|
Yuav Npaj Li Cas
Nqa tej khoom uas koj tus me-nyuam yeej ib txwm siv los lawm thiab nrog nws ua tej haujlwm uas nws yeej ib txwm ua yuav pab tau koj tus me-nyuam zoo thiab tso siab, thaum uas nws tuaj nyob rau ntawm tsev kho mob no.
- Hmo ua ntej los yog yav sawv ntxov hnub uas yuav coj koj tus me-nyuam tuaj, muab koj tus me-nyuam da dej thiab zawv nws cov plaub hau los tau.
- Nco ntsoov nqa nws yam khoom ua si uas nws nyiam nyiam nrog nws, txawm tias yog khoom tsiaj txhu, nws daim pam los yog lwm yam nrog nws tuaj rau ntawm tsev kho mob no. Yam no yog yam uas nws nyiam thiab tso siab rau, yuav ua rau nws tsis tshua txhawj.
- Yog koj xav nqa nws cov ris tsho da dej thiab khau tuaj los tau. Lus tsev kho mob muaj ris tsho pw rau nws lawm. Yog tias koj ho xav nqa nws cov ris tsho pw tuaj los tau thiab. Tiamsis cov ris tsho pw ntawd yuav tsum muaj cov khawm nyob rau ntawm xub ntiag.
- Muaj qee tus neeg ua yuav raug tuaj nyob ntev, lawv nqa lawv tej duab uas lawv thau, nqa lawv tej ntawv thiab tej duab uas lawv kos tuaj, coj tuaj lo rau ntawm tej phab ntsa ntawm kem lawv nyob. Yog tias koj xav lo tej duab uas koj tau nqa tuaj lawm, tus neeg tu koj tus me-nyuam yuav pab koj tau.
Nco ntsoov sau koj tus me-nyuam lub npe rau txhua yam ua ntej uas koj yuav nqa tuaj. Tsev Kho Mob Children’s yuav tsis lees kev txhaum rau tej uas neeg nqa tuaj rau ntawm tsev kho mob no yog tias pawv lawm nrhiav tsis tau.
|
|
|
