|
Tus neeg mob thiab tsev neeg
tej cai thiab tej luag haujlwm
Tsev khomob Menyuam Yaus thiab chaw kuaj mob muab siab rau kev khomob nkeeg zoo rau cov neeg mob thiab cov tsev neeg.
Thaum nej nyob ntawm no, koj thiab koj tsev neeg muaj txoj cai txog:
- Kev sib fwm thiab saib rau nqi ntawm koj tus kheej.Ib tug txhais lus yog koj hais lwm yam lus.
- Muaj hauv kev qhia txaus rau kev khomob zoo.
- Ntaub ntawv uas koj to taub.
- Kev nraim ntsej nraim muag thiab ntaub ntawv nraim tsis hais tawm.
- Kev tu uas fwm koj (los yog koj tus menyuam) kev loj hlob thiab paub tab.
- Kev tu uas txhawb koj li ib tsev neeg.
- Lub chaw ib puag chig khomob zoo thaj yeeb thiab ceev zoo.
- Ntsuam xyuas thiab tswj kom raws li tej mob.
- Txiav txim siab txog koj (los is koj tus menyuam) qhov kev kho.
- Hias kom muab ib lub rooj sib tham hais txog koj tus menyuam qhov kev kho.
- Ua daim ntawv taw qhia txog kev khomob thiab/los sis rau npe tus neeg uas yuav txiav txim siab rau koj yav ntom ntej yog tias koj tsis taus lawm (cov neeg mob 18 xyoo thiab laus dua).
- Ua ntaub ntawv hais tsis txaus siab rau qhov ua tsis kam them nqi los ntawm koj lub ivsislas khoopasnis.
- Ua ntawv hais tsis txaus siab los sis kev coj tsis ncaj nruab nrab ntug
Koj thiab koj tsev neeg lub luag haujlwm yog:
- Muab tej xov xwm kom yog txog koj (los sis koj tus menyuam) kev noj qab nyob zoo thiab kev xav tau.
- Ua raws qhov kev pom zoo kho uas koj tau txaus siab rau koj tus menyuam lawm.
- Fwm lwm tus neeg mob tej cai, cov tsev neeg, thiab cov ua hauj lwm kom thiaj thaj yeeb (safe) thiab yog lub chaw ceev zoo rau tej mob kaj.
- Qhia peb yog koj mloog ntxim li koj tus meyuam tsis thaj yeeb (safe) los sis mob.
Yog koj thiab koj tsev neeg muaj LUS NUG, KHUAM SIAB, LOS SIS XAV UA NTAWV HAIS TXOG QHOV COJ TSIS NCAJ rau koj (los sis koj tus menyuam) qhov tuaj ntsib, thov tham nrog koj tus menyuam tus kws khomob, poj nais mom, los sis lwm tus neeg ua hauj lwm.
Koj kuj tham tau nrog:
- Tus txuas lus rau tsev neeg muaj thaum koj thiab koj tsev neeg tsis xav hais qhov ua tsis txaus siab rau tus uas ua ntawv kiag. Ib tug sawv cev rau cov niam txiv kuj yuav los pab koj thiab koj tsev neeg thiab pab daws kom muaj ib qho chaw txawb chaw rau nrog rau tus tswj dej num. Ntawm Tsev Khomob Menyuam Yaus - Minneapolis, hu (612) 813-6138; ntawm Tsev Khomob Menyuam Yaus St. Paul, hu (651) 220-6888.
- Lub chaw ua num pab cuam ntawm qhov yog thiab tsis yog (office of ethics) muaj muab kev sab laj rau cov tsev neeg uas ntsib kev txiav txim siab nyuaj nyuaj rau kev kho mob.
Hu (612) 813-7200.
- Rau tej ntaub ntawv qhia los yog kev pab tiv thaiv rau menyuam yaus los yog cov neeg laus tem toob, hu rau social work department ntawm Tsev Khomob Menyuam Yaus Minneapolis, hu (612) 813-6138; ntawm Tsev Khomob Menyuam Yaus St. Paul, hu (651) 220-6479.
- Rau kev pab thaum yav tsaus ntuj los yog lub xuab moo vas xaum vas thiv, hu rau tsev khomob thiab nug cov nai ua saib cov poj nais mom ntawm Tsev Khomob Minneapolis, hu (612) 813- 6000; Ntawm Tsev Khomob St. Paul, hu (651) 220-6000.
Koj kuj ua tau ntawv hais rau QHOV COJ TSIS NCAJ LAWM RAU NTAWM LUB XEEV TEJ CHAW UA HAUJ LWM SAIB XYUAS TEJ CAI KEV RUAJ NTSEG:
Office of Health Facilities Complaints
85 East Seventh Place, Suite 300
St. Paul, MN 55164-0970
(651) 215-8702, (800) 369-7994
Board of Medical Practice
2829 University Avenue SE, Suite 400
Minneapolis, MN 55414-3246
(612) 617-2130, (800) 657-3709
|
|
|
