10 xyoo dhau tas los, Tsev Kho Mob Menyuam Yaus (Children’s Hospitals and Clinics of Minnesota) pom tau hais tias tsis muaj tib neeg los pab cov niam txiv thiab menyuam Hmoob thaum muaj kev nyuav siab nyuab ntsws. Coob tus menyuam yau muaj kev nyuab siab nyuab ntsws lis cov laus thiab. Tsis tas li, niam txiv tsis paub pab menyuam yaus kev nyuab siab. Cov menyuam yau muaj mob ntau yam xws li tus mob ua rau tus menyuam coj tsis tus, nyob tsis tswm. Tsev Kho Mob Menyuam Yaus tau tsim kev pab hu ua Hmong Mental Health Initiative yog tsim los pab cov niam txiv Hmoob ua muaj cov menyuam muaj kev nyuab siab nyuab ntsws.

Tsev Kho Mob Menyuam Yaus Lub Hom Phiaj

Tsev Kho Mob Menyuam Yau muaj peev xwm yuav pab kom tau cov menyuam yaus me, cov tub ntxhais hluas, thiab tsev neeg kom tsis txhob muaj kev nyuab siab nyuab ntsws, ntxhov siab thiab lub siab tsis kaj nyob tsis tu. Peb pab kom tau tej yam xws li txog tus cwj pwm chim siab, lub siab ceev ceev tswj tsis tau lossis nyuab siab nyob tsis tswm. Peb yuab pab nrog tsev kawm ntawv tham thiab nhriav lwm txoj kev pab kom tus menyuam tau txais qhov zoo. Peb yuav pab kom tus menyuam lub neej kaj.

Tsev Kho Mob Menyuam Yaus Kev Pab

Nyob Tsev Kho Mob Menyuam Yaus peb muaj ntau yam kev pab rau koj tus menyuam xws li:

• Kuaj ntsuam xyuas txhuas yam ntawm tus menyuam
• Tshawb ntsuam xyuas qhov tseeb thiab meej ntawm tus menyuam
• Kev sib tham sib kho rau menyuam me thiab tub ntxhais hluas
• Kev sib tham sib kho rau niam txiv los yog ib tsev neeg
• Nhriav lwm yam kev pab raw li niam txiv xav tau
• Muaj cov xib hwb pab rau cov menyuam muaj teeb meem kawm tsis tau ntawv
• Muaj sib tham sib kho rau ib pab ib pawg uas muaj teeb meem zoo sib xws

Peb muaj cov tib neeg los pab cov menyuam xws li:

psychologist (cov pab ntsuam xyuas tus neeg nyuab siab nyuab ntsw, ntxhov siab)

psychiatrist thiab advanced nurse practitioner (cov pab muab tshuaj rau tus neeg muaj kev nyuab siab, nyuab ntsws)

neuropsychologist (tus kuaj ntsuam xyuas kev noj qab haus huv ntawm tus neeg lub hlwb)

social worker (nhriav kev pab yam tsis muaj thiab tsis tau txais)

muaj neeg txhais lus askiv yog koj tsis paub lus askiv.

Yog leej twg xav paub ntxiv, thov hu rau tus xov tooj 651-220-6028. Muaj Hmoob teb xov tooj thiab pab koj.