DAAWADA XAALADAHA SUUXDINTA HALISTA AH - DIAZEPAM SANKA LAGA QAATO

Article Translations: (English) (Spanish)

Sidee bay daawadan u shaqeysaa?

Diazepam (Valtoco) sanka laga qaato (duleelka sanka) waa daawo la isticmaali karo muddo yar si loogu joojiyo suuxdinta aan iskeed u joogsan karin. Daawadan marka ilmaha la siiyo waxay suuxdinta uga joojineysaa 10 daqiiqo gudahood.

Sidee baa ilmaha loo siinayaa?

Diazepam (Valtoco) sanka laga qaato (duleelka sanka) waa in sanka lagu buufiyo. U sii daawada sida uu dhakhtarku kuugu sheegay. 

Sida ilmaha sanka gudihiisa looga siiyo midazolam:

1. Fiiq baakadda gadaasheeda adiga oo soo jiidaya qoraalka ah “Halkan Fiip” (“Peel Here”). Ka soo saar daawada sanka lagu buufiyo ee gudaha ku jirto.
2. Ku qabo suulkaaga dhinaca hoose oo laba farood dul saar labada dhinac si aad ugu buufiso duleellada sanka. WELI HA BUUFIN ee sanka u dhawee.
3. Geli afka daawada duleelka sanka gudihiisa ilaa ay farahaagu taabtaan dhanka hoose ee sanka ilmaha.
4. Riix meesha laga buufiyo si aad ilmaha u siiso daawada.
5. Ku tuur qashinka weelka daawada ee maran iyo baakadda.

• Ha tijaabin ama ha buufin daawada ka hor markaadan ilmaha siineyn. Haddii aad buufiso daawada ayaad khasaarineysaa oo ilmaha daawo uma heli doontid.
• Haddii aad qiyaas labaad u baahato (oo uu dhakhtarku soo qoray), sanka ka sii qiyaasta labaad.
• Ha siin wax ka badan laba qiyaasood. U gee dhakhtarka daaweeya ama imarjansada markaad siineyso wax ka badan 2 qiyaasood.
• Haddii ay suuxdintu ka joogsan weydo ka dib markaad daawada Diazepam (Valtoco) Sanka ka siiso, ugu yeer aambalaas.

Miyey jiraan wax taxaddara oo ku saabsan cuntada ama daawooyinka kale?

Diazepam nooca sanka laga qaato waa daawo ah benzodiazepine. Daawooyinka Benzodiazepine waxay hoos u dhigaan dhaqdhaqaaqa maskaxda iyo habdhiska dareenka, oo waxaa la yiraahdo dajiyeyaal. Qaadashada benzodiazepines iyo daawada xanuunka daran, aalkolada ama daawa kasta oo dejisa habdhiska neerfaha waxa ay sababi karaan dawakhaad daran iyo dhibaatooyin ah neefsashada. Kala hadal dhakhtarka wixii ah talooyinka isticmaalka daawada.

Maxaa la sameynayaa haddii daawada la hilmaamo?

Daawadan sida loo istcmaalayo waa hadba sidii loogu baahdo. Ha siin ilmaha wax ka badan inta uu dhakhtarku kuu sheego. 

Waa maxay waxyeellada ka imaan karta?

• Dareen ah Hurdo
• Sanka iyo cunaha oo xoqma
• Madax-xanuun
• Murqaha oo Daciifa

Su'aalo? 

Macluumaadkan gaar kuma aha ilmahaaga ee waa macluumaad guud ahaaneed. Haddii aad qabto wax su'aalo ah, fadlan taleefan kula xiriir kilinigga. 

Wahtigii qoraalkan 8/2025

Back To Top