KEV PHAIS KHO HNIAV: COV LUS QHIA KEV TAWM TSEV KHO MOB

Article Translations: (English) (Spanish) (Somali)

Kuv yuav tau ras txog dab tsi tom qab phais kho hniav tag?

Yog tias tau rho hniav, tej zaum yuav muaj ntshav los nyob rau thawj hnub. Muab yam ua kua txias los sis tshuaj Popsicles® npuav pab kom ntshav tu. Yog tias ntshav tseem pheej los tsis tu, muab daim ntaub qhwv mob ntsaws rau thiab nias rau ntev li 10 feeb. Yog tias ntshav tseem pheej tsis tu li thiab, hu kws kho mob.

Xeev siab (plab tsis xis nyob) yog qhov keev pom muaj tas li nyob rau thawj 24 xuab moos tom qab kev phais mob tag. Yog tias koj tus me nyuam ntuav, nws yuav ntuav tau ntshav (pom ntshav los tshiab los sis dub li kas fes).

Koj tus me nyuam lub qhov ncauj yuav mob li ob peb hnub. Daim tis ncauj los sis lub plhu theem qis zog yuav o ib hnub los sis ob hnub tom qab phais hniav. Siv dej khov los sis txoj phuam txias los so ob sab tis ncauj yog tias tseem pheej o nyob rau thawj hnub.

Saib koj tus me nyuam daim ntawv qhia qhov tseeb Xaus Lus Txog Neeg Mob Tawm Tsev Kho Mob rau cov lus qhia tshwj xeeb txog ntawm kev tswj qhov mob thiab thaum twg mam mus ntsib tus kws phais mob dua.

Kuv yuav saib xyuas kuv tus me nyuam li hniav li cas?

Nyob rau hnub phais hniav, tu koj tus me nyuam lub qhov ncauj kom huv uas siv txoj phuam ntub los so, los sis muab dej sov rau koj tus me nyuam yaug qhov ncauj.

Tom qab 24 teev lawm, kom koj tus me nyuam txhuam hniav yam tsawg kawg ob zaug rau ib hnub. Yog tias qhov looj tus hniav xoob los sis tawm los ua ntej tus hniav yuav rho, muab qhov looj tus hniav khaws cia thiab hu kws kho hniav.

Yam twg kuv tus me nyuam noj tau?

Txhawb koj tus me nyuam noj yam ua kua txias nyob rau thawj hnub. Thaum twg koj tus me nyuam npaj txhij, ntxiv yam muag rau, yam khoom noj uas xo yooj yim (cov khoom noj tsis muaj nyuaj, tsis xo nyuaj, los sis tsis nkig) xws li:

• kua txiv ev pauj zom
• khob cij
• cov txiv qaum ntim poom
• cov mis khov, yam khoom npaj cia lawm
• cov kua dis siav lawm
• cov qe, cov khoom siav uas muag los sis kua qe
• txab khoom noj (xws li Jell-O®)
• nqaim zom mos nrog rau kua los sis yam ua kua
• macaroni thiab mis khov
• cov qos yaj ywm zom
• khoom qab zib muag
• kas lees
• kua
• cov zaub, yam khoom ua siav lawm

Cov khoom noj uas noj tau tam sim raws qhov noj tau. Yog tias koj tus me nyuam tau txais qhov looj hniav uas yog hlau, zam yam khoom uas lo pos hniav thiab nplaum, cov khob noom nplaum xws li khob noom suab thaj, cov khob noom npuav uas tawv, los sis cov uas yuav tau npuav nqus noj.

Kuv tus me nyuam puas ua si tau?

Koj tus me nyuam yuav ua si tau yam ntsiag to nyob rau hnub phais mob thiab tom qab ntawd ces ua si li qub tau lawm.

Kuv tsim nyog hu tus kws kho hniav thaum twg?

• qhov ncauj los ntshav uas pheej tsis tu li txawm tias twb muab ntsaws lawm
• mob heev tuaj los sis mob qhov ncauj
• qhov mob uas pheej tsis zoo li txawm tias twb muab tshuaj rau lawm
• sab plhu pheej loog
• muaj tsos mob los sis yam ntxwv mob COVID-19 nyob rau hauv sij hawm 14 hnub tom qab phais mob

Kuv tsim nyog hu rau tus kws kho mob thaum twg?

• qhov kub txias siab txog 102° F (38.8° C) thiab tsis ntxim tshuaj Tylenol
• muaj tsos mob los sis yam ntxwv mob COVID-19 nyob rau hauv sij hawm 14 hnub tom qab phais mob
• tsis tso zis li yam tsawg kawg 8 xuab moos
• pheej mob plab los sis ntuav
• ua pa nyuaj – hu 911

Puas muaj lus nug?

Daim ntawv no tsis yog qhia kiag rau koj tus me nyuam xwb tab sis muab cov ntaub ntawv raws li ncua dav. Yog tias koj muaj tej lus nug thov hu rau lub chaw kuaj mob.

Kho zaum kawg 6/2020

Back To Top