Viv Tas Mees K Tom Qab Yug Me Nyuam Tag: Pov Thaiv Koj Tus Me Nyuam los ntawm Kev Pov Thaiv Los Ntshav Tsis Tu

Article Translations: (English) (Spanish) (Somali)

Viv tas mees K yog dab tsi?  

Viv tas mees K yog ib yam viv tas mees uas pab ua kom ntshav khov. Ntshav khov ces ntshav thiaj tsis los. Cov me nyuam mos yuav tau siv viv tas mees K kom thiaj nyob nyab xeeb tsis muaj ntshav los sab hauv lawv lub cev, tseem ceeb yog lub hlwb. Cov me nyuam mos tseem tsis tau tsim muaj viv tas mees K txaus kom txog thaum muaj 6 lub hlis.  

Txhaj viv tas mees K yog dab tsi?  

Txhaj viv tas mees K yog no txau (txhaj) mus rau hauv cov me nyuam mos lub cev tom qab yug los uas siv rab koob txhaj. Nws pab pov thaiv lawv ntawm yam teeb meem ua rau ntshav los uas muaj tsawg tiam sis phom sij heev nyob rau 6 lub hlis xub thawj. Koob nov yog viv tas mees, tsis yog tshuaj tiv thaiv kab mob.  

Vim li cas cov me nyuam mos thiaj yuav tau txhaj viv tas mees K?  

Cov me nyuam mos yog los muaj viv tas mees K tsawg heev. Tab txawm leej niam yuav noj qab nyob zoo los xij yeej tsis muaj viv tas mees K txaus rau lawv tus me nyuam mos ncua sij hawm cev xeeb me nyuam los sis ncua sij hawm pub niam mis. Yog tsis txhaj, tus me nyuam mos yuav muaj feem ntau dua uas los ntshav tsis tu. Koob tshuaj raug siv tau yam nyab xeeb los ntev tshaj 60 xyoo lawm.  

Puas yog kev txhaj vis tas mees K muaj kev nyab xeeb?  

Yog! Kev txhaj vis tas mees K muaj kev nyab xeeb kawg. Nyob ntawm Children’s Minnesota, koob viv tas mees yog tsim los ntawm nroj tsuag thiab tsis muaj yam khes mis xws li mercury los sis aluminum. Tej zaum koj tus me nyuam yuav hnov mob li de los sis liab me ntsis ntawm lub qhov txhaj viv tas mees, tab sis zoo sai. Koj yuav ntxias tau koj tus me nyuam los ntawm puag nws los sis pub mis rau noj ncua sij hawm txhaj tshuaj.  

Muab viv tas mees K rau kuv tus me nyuam noj ntawm ncauj puas tau?  

Qee lub khauj tim nrog viv tas mees K rau ntawm ncauj, tab sis siv tsis tau zoo. Li no kev txhaj thiaj zoo dua.  

• Txhaj ces yuav siv tau zoo dua thiab pov thaiv tau zoo dua.  

• Koob viv tas mees tsuas yog txhaj ib zaug xwb. Viv tas mees K tuaj yeem muab ua kua nrog ntawm ncauj tab sis siv sij hawm ntau zaus rau ntau vij.  

• Yog txhaj ces tus me nyuam lub cev yuav nqus tau zoo dua.  

• Koob viv tas mees uas txhaj tau kev pom zoo los ntawm lub Koom Haum Tswj Khoom Noj thiab Tshuaj (Food and Drug Administration, FDA). Ho nrog ntawm ncauj ces tsis tau kev pom zoo.  

Kuv yuav pab ntxias tau kuv tus me nyuam li cas kom kiab zog ncua sij hawm txhaj koob viv tas mees?  Puag koj tus me nyuam, pub mis rau noj, los sis muab mis rau npuav ncua sij hawm txhaj viv tas mees los pab rau qhov mob.  

Lus Xyav thiab Qhov Tseeb:  

• Lus Xyav: Cov me nyuam mos tsis tas siv viv tas mees K. Qhov Tseeb: Cov me nyuam mos uas yug los muaj viv tas mees K tsawg. Txhaj rau pab cawm tau txoj sia.  

• Lus Xyav:  Yug me nyuam tau yooj yim ces pheej hmoo tsawg rau qhov los ntshav loj vim los ntawm viv tas mees K tsawg. Qhov Tseeb:  Kev los ntshav vim muaj viv tas mees K tsawg yuav tshwm sim tau rau txhua tus me nyuam, tsis hais lawv yuav yug los li cas.  

• Lus Xyav: Koob viv tas mees tsim ua rau me nyuam txob taus heev. Qhov Tseeb: Kev fab loj kuj muaj tsawg. Koob vib yas mees nyab xeeb thiab raug siv mus thoob ntiaj teb.  

• Lus Xyav: Leej niam txhab tau viv tas mees K rau lawv li khoom noj thiab mam hla ntawm leej niam rau lawv tus me nyuam. Qhov Tseeb: Txawm tias leej niam yuav txhab viv tas mees K rau lawv li khoom noj los sis raws tej tshuaj noj tsis tas siv ntawv sau yuav, nws yuav mus tsis txog tus me nyuam zoo heev. Yeej tseem yuav tau txhaj.  

Puas muaj lus nug?  

Tej ntaubb ntawv nov tsis yog tshwj xeeb rau koj tus me nyuam tab sis ua lus qhia raws ncua dav. Yog koj muaj lus nug, sib tham nrog koj tus kws pab kho mob los sis pab pawg saib xyuas.  

Tau tshab xyuas 9/2025 

Back To Top