UA NPAWS

Article Translations: (English) (Spanish) (Somali)

Ua npaws yog dab tsi?

Ua npaws yog thaum lub cev kub tshaj li 100.4° F (38° C). Nws yog ib qho tso mob, tsis yog kab mob. Ua npaws tuaj yeem pab tau lub cev tawm tsam kev kis mob. Feem ntau lawm nws tshwm sim los ntawm kev kis mob vais lav (xws li ua daus no los sis kab mob plab), tab sis qee zaus nws tuaj yeem tshwm sim los ntawm kev kis kab mob npev taws lias. Yog tias ua npaws thiab ua npaws mus ntev, ces tej zaum koj tus kws kho mob yuav saib rau lwm yam, cov kev tsim ua rau tshwm sim uas muaj tsawg uas tsis yog los ntawm kev kis mob. Qee zaus qhov ua npaws nws yuav zoo nws mus, yam uas tsis pom qhov tsim ua rau tshwm sim li.

Kuv yuav ntsuam xyuas qhov ua npaws li cas?

Cov me nyuam tuaj yeem hnov sov thiab tsis ua npaws. Piv txwv li, yog tias koj tus me nyuam cus heev los sis pw tsaug zog uas hnav khaub ncaws/los sis vov pam uas sov ces tej zaum lawv yuav hnov sov. Dhau li no lawm tej zaum cov me nyuam mos kuj yuav muaj qhov kub siab zog me ntsis thaum tuaj hniav, tab txawm tias raws li ib txwm yeej tsis kub dua li 100° F. Kev siv lub cuab yeej ntsuas qhov kub los ntsuas lawv qhov kub yog txoj hauv kev uas zoo tshaj plaws txhawm rau los txiav txim seb lawv puas ua npaws.

Tuaj nyeem ntsuas tau koj tus me nyuam qhov kub nyob rau hauv qab caj npab, nyob rau ntawm hauv pliaj, nyob rau hauv qhov ncauj, nyob rau hauv pob ntseg, los sis nyob rau hauv qhov quav, thiab nws yuav sib txawv me ntsis nyob rau hauv txhua tej qhov chaw. Thov siv txoj hauv kev uas koj tus me nyuam tus kws muab kev pab cuam saib xyuas kev noj qab haus huv tau qhia. Rau cov me nyuam mos uas muaj hnub nyoog qis dua 3 hlis, kev ntsuas qhov kub nyob rau ntawm qhov quav yog txoj hauv kev uas zoo tshaj plaws. Yog tias koj hu rau koj lub chaw kuaj mob hais txog koj tus me nyuam qhov ua npaws, ces hais qhia seb koj siv txoj hauv kev twg.

Ua npaws kub heev tsis tau txhais tias koj tus me nyuam muaj mob heev los sis tias lawv yuav tsum tau noj tshuaj tiv thaiv kab mob. Raws li ncua dav lawm ua npaws kub heev yuav tsis tsim ua rau muaj kev phom sij dab tsi rau koj tus me nyuam. Txawm li cas los xij, qhov lub cev kub heev uas tshwm sim los ntawm qhov kub nyob sab nrauv ntawm lub cev (xws li raug muab tseg cia rau hauv tsheb los sis kev siv sij hawm ntev nyob rau sab nrauv uas muaj huab cua kub heev) kuj ua rau muaj kev phom sij tau.

Kuv tsim nyog saib xyuas kuv tus me nyuam li cas?

Ua kom koj tus me nyuam hnov xis nyob. Cov khaub ncaws uas sib yuav pab ua rau koj tus me nyuam txias. Yog tias koj tus me nyuam hnov no, ces siv daim pam vov uas nyias.

Muab yam ua kua ntxiv txhawm rau pov thaiv qhov uas lub cev qhuav dej (kev ua rau “qhuav”).

Tsis xav kom muab daim rwb nqus dej los so thiab da dej, vim cov ntawd yuav tuaj yeem tsim ua rau no tshee. Qhov tseeb tiag lawm qhov no tshee yuav tsim ua rau kub ntxiv. Tsis txhob muab daim rwb ntub cawv coj los so, vim nws tuaj yeem xau tau tshab daim tawv nqaij, uas tsim ua rau muaj cov feem cuam tshuam tsis zoo.

Ua npaws tsis tas yuav tau txais kev kho tas li. Lub laj thawj tseem ceeb uas yuav muab tshuaj kho qhov ua npaws yog txhawm rau pab ua kom koj tus me nyuam hnov xis nyob zog tuaj. Yog tias koj tus kws kho mob los sis tus kws tu mob hais kom siv tshuaj txo qhov ua npaws, ces nug seb yuav siv hom twg. Tsis txhob muab tshuaj txo npaws los sis cov khoom uas muaj tshuaj txo npaws rau cov me nyuam los sis cov tub ntxhais hluas.

Ntsuas koj tus me nyuam qhov kub ua ntej koj muab tshuaj zoo npaws ntxiv. Qhov no yuav pab ua kom koj paub tias seb qhov kub puas nce ntxiv thiab zam kev muab cov tshuaj uas tsis tsim nyog.

Qee zaus cov me nyuam uas ua npaws yuav ua pa ceev tshaj li ib txwm thiab tej zaum lub plawv kuj yuav dhia ceev dua qub.

Kuv tsim nyog hu rau lub chaw kuaj mob thaum twg?

Hu yog tias koj tus me nyuam:

• Yog tus me nyuam uas muaj hnub nyoog tsawg dua li 3 hlis thiab muaj qhov kub li 100.4° F los sis siab dua los sis qhov kub qis dua 97°F. Cov me nyuam mos cov roj ntshav tiv thaiv kab mob tsis tau loj hlob txaus, thiab qhov no tuaj yeem yog qhov tsos mob ntawm kev kis kab mob npev taws lias uas loj.
• ua npaws ntev tshaj li 48 teev thiab yog tus me nyuam uas muaj hnub nyoog ntau dua 3 hlis
• ua npaws uas tsis yog tshwm sim nrog rau qhov tshuaj, los sis ua npaws uas huam loj zuj zus tuaj
• quaj tas li, los sis txob taus heev thiab tsis tuaj yeem ntxias tau
• tsis muaj zog los sis muaj zog me ntsis xwb
• pw tsaug zog ntau ntxiv thiab tsa sawv nyuaj
• mob caj dab los sis caj dab txhav los sis mob tob hau
• tsis kam haus ub no
• tso zis tsawg tshaj li ib txwm
• ntuav los sis raws plab
• ua npaws zoo mus tau li ob peb hnub lawm thiab tam sim no rov ua dua
• tseem ua pa ceev tom qab uas lawv li npaws tu lawm

Hu rau 911 yog tias koj tus me nyuam:

• muaj teeb meem rau kev ua pa
• muaj cov tee ua xim paj yeeb nyob rau ntawm lawv daim tawv nqaij los sis doog tshav uas tsis tau muaj los dua li
• muaj kev tsaus muag
• khoov mus tom hauv ntej thiab qaub ncaug si

Puas muaj lus nug?

Daim ntawv no tsis yog qhia kiag rau koj tus me nyuam xwb tab sis muab cov ntaub ntawv raws li ncua dav. Yog tias koj muaj lus nug dab tsi, ces thov hu rau koj lub chaw kuaj mob.

Tau tshab xyuas 5/2024

Back To Top