KEV MUAB TSHEM LUB QOG CAJ DAB

Article Translations: (English) (Spanish) (Somali)

Qog caj dab me nyuam yaus yog dab tsi?

Qog caj dab yog xoo pob loj los sis o nyob rau hauv koj tus me nyuam lub caj dab. Qee lub qog caj dab muaj los puav thaum yug lawm thiab hu ua qog caj dab thaum yug los. Cov kws kho mob tuaj yeem pom cov qog caj dab los ntawm kev ntsia pom los sis kov. Ntau tus me nyuam thawj zaug tshwm sim thaum muaj kab mob ua pa sab sauv zoo li khaub thuas. Qee lub qog caj dab loj hlob sai heev thiab ua rau mob. Lwm yam loj hlob qeeb thiab tsis ua rau mob. Feem ntau lub qog caj dab tsis yog mob qog noj ntshav (benign). Qog caj dab uas ua qog nqaij hlav (malignant) tsis tshua muaj rau cov me nyuam yaus, tab sis nws kuj tuaj yeem tshwm sim tau thiab.

Dab tsi ua rau mob qog caj dab rau me nyuam yaus?

Qog caj dab feem ntau yuav faib pawg raws li ib qho ntawm peb pawg:

• Kev kis kab mob (lymphadenitis) - Qhov no yog o los sis kis kab mob ntawm ib los sis ntau cov qog ntshav. Cov qog ntshav yog cov qauv hauv lub cev thiab yog ib feem ntawm lub cev tiv thaiv kab mob. Muaj nyob thoob plaws lub nrog cev thiab tuaj yeem sib txawv me-me, feem ntau lawm yuav loj tuaj thaum lub sij hawm kis kab mob. Qee lub sij hawm cov qog ntshav tau kis tus kab mob thiab cov kua dej los sis cov kua paug uas yuav tsum tau phais tso tawm. Tom qab nyeem kua paug tawm, lub qhov txhab yuav raug lo nrog cov ntaub qhwv uas yuav maj mam muab tshem tawm mus dhau li hnub tom ntej los sis ob hnub. Qhov no yuav ua kom lub cev pab tu sab hauv mus rau sab nraud, tiv thaiv tus kab mob tsis txhob rov los dua.
• Qog caj dab thaum yug los - Cov no yog ua lub pob thiab pob uas muaj txij li thaum yug los. Qee zaum lawv tsis tshwm sim txog thaum tom qab hauv lub neej; txawm li cas los xij, lawv tseem tuaj yeem suav tias yog qhov tshwm sim vim muaj ntau tus pom thawj zaug thaum lawv ntxiv cov kua los sis kis tau kab mob - tab sis lawv yeej nyob ntawd txhua lub sij hawm! Muaj ntau hom qog thiab koj tus kws kho mob tej zaum yuav muaj lub tswv yim zoo raws li qhov chaw, qhov loj me, thiab qhov tawv muag ntawm lub qog.
• Qog Neoplasms los sis qog nqaij hlav - Hmoov zoo, uas cov no tsis tshua muaj nyob rau hauv cov me nyuam yaus. Koj tus kws kho mob tej zaum yuav pom zoo kom muab cov qog nqaij piv txwv me-me nrog ib rab koob los sis nrog kev phais (biopsy) kom paub seb cov qog yog dab tsi. Kev kuaj mob yuav suav nrog kev xoo duab ci, kev xoo CT, los sis kev yees duab MRI. Tom qab cov kev kuaj thawj zaug no los pab nrhiav hom ntawm cov qog nqaij hlav, koj pab pawg kws kho mob yuav pab koj thiab koj tus me nyuam los npaj kev kho mob.

Yuav ua li cas tshem tawm lub qog caj dab tau?

Nyob ntawm seb hom qog dab koj tus kws phais yuav txiav daim tawv nqaij thiab tshem lub qog caj dab tawm. Cov leeg nqaij, paj hlwb, thiab cov hlab ntsha yuav tsis raug kev puas tsuaj. Thaum lub qog caj dab raug tshem tawm lawm, nws raug xa mus rau tus kws kho mob uas kuaj xyuas nws hauv qab lub koob ntsuas kom paub tseeb tias nws yog dab tsi tiag.

Yuav kuaj xyuas kuv tus me nyuam lub qog caj dab li cas?

Kev kuaj mob feem ntau nyiam ua kev kuaj mob thiab qee zaum kuaj ntshav. Koj tus kws kho mob yuav siv kev xoo duab ci, yees duab CT, los sis yees duab MRI. Qee lub sij hawm kev zas xim tshwj xeeb, hu ua contrast, raug txhaj tshuaj thaum lub sij hawm yees duab los pab koj tus kws kho mob kom nkag siab qhov chaw ntawm cov qog nqaij hlav. Qhov no yuav muaj txiaj ntsig los pab tau rau hauv kev kuaj mob thiab npaj rau kev phais. Qee zaum ua ntej txiav txim siab tshem cov qog nqaij hlav tawm, tsim nyog yuav tau siv rab koob nqus cov qog nqaij piv txwv.

Puas muaj cov lus qhia uas kuv yuav tau coj raws ua ntej kev phais?

Koj tus me nyuam yuav tsum muaj kev ntsuam xyuas ib ce los ntawm nws tus kws kho me nyuam los sis kws kho mob rau lub tsev neeg li 30 hnub ua ntej kev phais kom paub tseeb tias nws yeej noj qab haus huv. Tus kws kho mob uas koj mus ntsib yuav tau ua kom tiav tsab ntawv Keeb Kwm thiab Lub Cev Ntaj Ntsug uas peb lub chaw hauj lwm muab. Koj yuav tsum nqa tsab ntawv teb tiav nrog koj tuaj rau hnub phais. Rau koj tus me nyuam txoj kev nyab xeeb, nws tseem ceeb heev uas nws tsis muaj dab tsi hauv plab thaum tso tshuaj tsaug zog. Thov coj raws Children's Hospital Cov Kev Cob Qhia Noj thiab Haus. Yog tias koj tsis coj raws cov kev cob qhia no, yuav muab txoj kev phais koj tus me nyuam ncua tseg.

Kuv yuav tau ras txog dab tsi tom qab phais tag?

Cov txheej txheem yuav sib txawv mus saib raws li qhov loj me thiab qhov chaw ntawm lub qog. Koj tus me nyuam yuav tsim rov los hauv chav tso xeev tom qab kev phais. Thaum twg koj tus me nyuam tsim meej, yuav muab nws coj mus tso rau qhov chaw yuav tso tawm kom xeev meej. Koj nyob nrog koj tus me nyuam tau thaum twg muab nws txav mu rau qhov chaw yuav tso tawm.

Koj tus me nyuam tej zaum tuaj yeem muaj daim ntaub lo qhov txhab me-me los sis lub glue rau cov kua nplaum ntawm qhov phais. Feem ntau lawm nyiam siv koob ntxiv nws mam qhuav nws thiaj li tsis tas yuav muab tshem tawm tom qab ntawd. Koj tus kws phais yuav tham txog seb thaum twg cov ntaub lo qhov txhab thiaj li tuaj yeem muab tshem tawm tau tab sis qhov no feem ntau yuav yog 24 txog 48 teev tom qab kev phais. Yog hais tias muaj kev qhwv los sis tus kav raj tso kua tawm ntawm qhov kev phais tus kws phais yuav muab qhov no tawm nyob rau hnub los sis ob hnub tom ntej. Qhov mob nyiam tu kho nrog Tylenol® (acetaminophen) los sis Children's Motrin® (ibuprofen) tiam sis tej zaum kuj muaj kev siv cov tshuaj muaj kuab dua qub. Thov qhia rau peb paub yog tias koj tus me nyuam ua npaws tom qab phais los sis yog tias tej tawv nqaij liab - liab los sis muaj kua sab sim tawm los ntawm qhov chaw phais. Yeej muaj cov cev kub mus txog 102.0 F tom qab kev phais. Hu rau koj tus kws pab kho mob rau qhov mob ua npaws siab tshaj 102.0 F uas tsis tau tuaj nrog rau Tylenol® (acetaminophen) los sis Children's Motrin® (ibuprofen).

Puas muaj lus nug?

Cov ncauj lus teev hauv phau ntawv no tsis yog teev txog koj tus me nyuam kiag. Muab cov ncauj lus no qhia ua ib yam kev pab rau peb cov neeg mob. Cov ncauj lus no yog siv ua kev qhia thiab kev faj seeb nkaus xwb thiab yuav tsum TSIS txhob muab los hloov tej tswv yim ntawm koj tus me nyuam tus kws kho mob. Yog tias muaj lus nug dab tsi, ces thov hu rau koj lub chaw kuaj mob txog Pob Ntseg, Qhov Ntswg, thiab Qa.

Reviewed 8/24

Back To Top