COV KHOOM NOJ UAS TSIS RAU MIS ZOO RAU TUS UAS MOB NTSHAV TSUAG TSIS MUAJ KOB HLAU TXAUS (IRON DEFICIENCY ANEMIA)

Article Translations: (English) (Spanish)

Mob Ntshav Tsuag Tsis Muaj Kob Hlau Txaus (Iron Deficiency Anemia) Yog Dab Tsi?

Mob Ntshav Tsuag Tsis Muaj Kob Hlau Txaus (Iron Deficiency Anemia, IDA) yog ib hom mob ntshav tsuag nquag muaj. Kob lau pom muaj nyob rau hauv qee yam khoom noj thiab peb lub cev siv kob hlau los mus tsim ua ntsig ntshav uas coj cua auv xij los mus yug cov tsig nqaij hauv koj lub cev. Thaum kob hlau qis lawm, nws yuav muaj ntau yam uas tsis xav kom muaj hloov lub cev. Qee cov tsos mob ntawm IDA muaj xws li nkees (qaug zog), tawv nqaij xiav, qaug zog heev, tsis qab los noj, mob tob hau, khaus ib ce, tsis xis zaub xis mov li lawm, thiab muaj tej yam tsis zoo tshwm sim thiab loj tuaj. Cov me nyuam mos thiab cov me nyuam me, IDA yuav tsim ua rau loj hlob qeeb thiab muaj teeb meem ntawm tus cwj pwm.

Yam twg tsim ua rau nquag muaj Mob Ntshav Tsuag Tsis Muaj Kob Hlau Txaus (Iron Deficiency Anemia) nyob rau Cov Me Nyuam Yaus?

• Noj mis ntau dhau lawm
• Tsis noj tej yam khoom noj tawv ntau txaus

Vim li cas noj mis ntau dhau ho tsim ua rau Mob Ntshav Tsuag Tsis Muaj Kob Hlau Txaus (Iron Deficiency Anemia) Txaus?

Mis kuj muaj qhov zoo (rog, txab nqaij, khaus xiaj, viv tas mees D, thiab lwm yam). Txawm li cas los, mis thiab yam muaj mis (xws li mis kua taum) tsis zoo rau cov me nyuam uas muaj mob Mob Ntshav Tsuag Tsis Muaj Kob Hlau Txaus (Iron Deficiency Anemia) uas muaj ntau lub laj thawj xws li:

1. Mis thiab yam muaj mis tsis muaj kab hlau.
2. Tsis tsuas yog qhov ua kom lub cev muaj peev xwm nqus tau kob hlau los ntawm khoom noj thiab tej khoom noj.
3. Kev noj mis nyuj ntau dhau yuav tsim ua rau tej tsig nqaij me puas tsuaj nyob hauv txoj hnyuv thiab tsim ua rau muaj ntshav liab tsawg. Thaum ntshav tsawg, ces kob hlau los kuj yuav tsawg mus raws thiab.
4. Kev noj mis ntau dhau yuav tsim ua rau cov me nyuam noj lwm yam khoom noj tawv tsawg vim tias lawv noj tsau sai heev uas yog yam ua kua. Cov khoom noj tawv thiaj yog yam muaj kob hlau nyob rau yam khoom noj uas me nyuam noj los.

Yuav kho Mob Ntshav Tsuag Tsis Muaj Kob Hlau Txaus (Iron Deficiency Anemia) li cas?

1. Tsis haus mis los sis yam muaj mis. Tshem tawm txhua yam mis thiab yam muaj mis los ntawm koj tus me nyuam tej khoom noj. Txhawb koj tus me nyuam kom haus dej thiab haus ntau txog 8 ooj kua txiv qaum rau ib hnub. Thaum koj tus me nyuam li qib ntsig ntshav thiab kob hlau rov nce los li qub lawm, koj mam li rov haus me ntsis mis rau nrog tej khoom noj. Koj tus kws pab kho mob yuav qhia koj tias thaum twg koj tus me nyuam tuaj yeem rov haus tau mis dua, thaj tsam li 2-4 vij. Thaum koj tus me nyuam tuaj yeem haus mis dua lawm, ua raws li USDA cov lus qhia rau qhov ntau uas pom zoo rau. Cov me nyuam hnub nyoog 2-3 xyoos muaj qhov txwv xws li  16 ooj rau ib hnub thiab cov me nyuam muaj hnub nyoog 4-8 xyoo yog muaj qhov txwv xws li  20 ooj rau ib hnub. Haus mis ntau tshaj li qhov hais no lawm yuav tsim ua rau rov muaj Mob Ntshav Tsuag Tsis Muaj Kob Hlau Txaus (Iron Deficiency Anemia) dua.
2. Kev noj tej khoom noj uas muaj kob hlau ntau thaum noj pluas mov (saib daim npe).
3. Noj yam khoom noj muaj kob hlau nrog rau Viv Tas Mees C txhawb kom lub cev nqus tau ntau (saib daim npe).
4. Muab cov tshuaj muaj kob hlau rau koj tus me nyuam noj raws li muaj ntawv sau yuav. Cov tshuaj uas muaj kob hlaub ces yuav muaj Viv Tas Mees C (xws li cov kua txiv kab ntxwv) ces yuav ua rau nqus tau ntau.
5. Muab mov rau koj tus me nyuam noj 3 pluag thiab muab 2-3 zaug khoom noj txom ncauj txhua hnub raws sij hawm teev tseg los txhawb kom tshaib plab zog. Tsis txhob pub noj ub noj no ncua sij hawm no kom thiaj li hnov tshaib plab. Tsuas yog muab dej rau haus ncua sij hawm ntawm cov pluas mov thiab cov khoom noj txom ncauj.
6. Tsuas muab me ntsis yam ua kua nrog rau cov pluas mov nyob rau thaum xub thawj thiab pab koj tus me nyuam noj tej yam khoom noj tawv.
7. Yog tias koj tus me nyuam muaj hnub nyoog tshaj 1 xyoos lawm thiab tseem haus taub mis, txhob pub koj tus me nyuam haus taub mis lawm kom sai li sai tau. Tsis txhob muab lub tau mis rau koj tus me nyuam haus pw. Yam ua kua xis li mis thiab cov kua txiv yuav muaj piam thaj uas lo rau ntawm tus me nyuam li pos hniav thiab yuav cov hniav thiab yuav ua rau mob hniav lwj sai.

Cov khoom uas muaj kob hlau (nqaij thiab tej nqaij tsiaj ces thiaj muaj kob hlaub uas nqus tau ntau)

Me Nyuam Mos Cov Khoom Noj:

• Cov nqaij
• Cov taum ntsuab
• Zaub ntsuab spinach
• Qos liab
• Mob kua dis
• Mov nplej daj kua dis
• Mov daj kua dis

Cov Khoom Noj Saum Tooj:

• Nqaij nyuj thiab nqaij npuas
• Nqaij yaj
• Qaib thiab qaib ntxhw
• Os
• Ntses – tshwj xeeb ntses cod thiab tuna
• Hom ntses daim plaub tawv – cws, phiab daj/phiab deg dub/phiab dej loj
• Ntses Sardines thiab anchovies
• Nkaub qe
• Zaub ntsuab – zaub nplooj caws, zaub ntug hauv paus nplooj ntsuab, zaub txho
• Cov noob taum thiab yam ua noob – noob taum os, cov noob taum qhuav, noob taum qe tseev, noob taum loj, noob taum me
• Noob taum mos – noob taum ntsuab, noob taum mos qia dub
• Tag nrho yam siv los ua khob cij, fawm phav xas taj, mov
• Npaj txhij noj mov kua dis

Yam khoom noj muaj Viv Tas Mees C

Viv Tas Mees C nce ntxiv lub cev yuav nqus tau kob hlau

• Cov txiv qaub – cov txiv kab ntxwv, cov txiv nklej, 100% txiv kab ntxwv los sis kua txiv nklej
• Txiv poov luj
• Txiv pos npaws lij
• Cov txiv pos npuab
• Dib Pag
• Txiv kiwi
• Txiv raum npua, txiv taub ntoos
• Kua txob phawv - liab, daj, ntsuab
• Zaub paj cws ntsuab, zaub paj caws daj
• Txiv lws suav
• Zaub qhwv
• Qos yaj ywm
• Zaub nplooj ntsuab
• Zaub qhwv me

Cov Tshuaj Muaj Kob Hlau – Lus Qhia Rau Kev Noj

Muab cov tshuaj muab kob hlau rau noj raws li muaj ntawv sau yuav los ntawm kws kho mob.

Yam ua kua:

• Siv muab me ntsis kua txiv kab ntxwv, kua txiv nklej, los sis kua txiv pos npaws lij (los sis lwm yam ua txiv qaub los sis kua txiv ntim poom) los sis kua txiv zom sib tov.
• Yog tias siv rab koob nqus – sim muab me ntsis tshos kos lej tov rau.

Rau yam uas zom tau/ua ntsiav:

• Yog tias koj tus me nyuam muaj cov muag nus loj lawm uas noj tau tshuaj los sis cov viv tas mees, kom lawv noj tib lub sij hawm. Qee zaum thaum pom cov muag nus loj noj lawv li nws pab tau kom nws noj nws li thiab.

Puas muaj lus nug?

Cov ntaub ntawv no tsis yog tshwj xeeb kiag rau koj tus me nyuam tab sis muab los ua ntaub ntawv qhia dav xwb. Yog tias koj muaj lus nug dab tsi, ces thov hu rau koj lub chaw kuaj mob.

Tau tshab xyuas dua 1/21

Back To Top