Translations: English | Español | Soomali | ကညီ
Vim tam sim no tsoom fwv xa tub ceev xwm tuaj ntau heev, suav nrog Tub Ceev Xwm Saib Xyuas Kev Nkag Teb Chaws thiab Tawm-Nkag Teb Chaws (I.C.E.), hauv Minnesota, ntau cov tsev neeg thiaj muaj lus nug. Hauv qab no, peb yuav teb cov lus nquag nug txog peb txheej teg kev ua hauj lwm saib xyuas kev noj qab haus huv thiab kev saib xyuas txuas ntxiv nyob rau ncua sij hawm no.
Raws li lus ceeb toom, Children’s Minnesota lub luag hauj lwm yog los txhawb cov kev xav rau kev noj qab haus huv ntawm me nyuam thiab cov tsev neeg. Peb tau cog lus tias yuav txhim kho cov me nyuam li kev noj qab haus huv los ntawm kev muab kev saib xyuas uas muaj qhov zoo tshaj plaws, kev saib xyuas uas tsom rau tsev neeg ua qhov nruab nrab, txhawb nqa los ntawm kev tshawb nrhiav thiab kev kawm.
Cov lus nquag nug
Children’s Minnesota ua hauj lwm li cas nyob rau lub sij hawm no?
Kev saib xyuas neeg mob txuas mus ntxiv: Kev ua hauj lwm ntawm Children’s Minnesota tseem ua txuas ntxiv raws li ib txwm. Peb tseem muab kev saib xyuas zoo txuas mus ntxiv rau peb cov neeg mob thiab cov tsev neeg yam tsis quav ntsej txog qib kev nkag teb chaws los sis lub peev xwm them.
Children’s Minnesota cov cai hais txog kev yog ntiag tug ntawm niam txiv los sis neeg ua hauj lwm yog dab tsi?
Peb tseem yuav taug qab peb cov cai uas muaj txuas mus ntxiv, uas tsom rau kev pov thaiv kev yog ntiag tug ntawm neeg mob thiab tus neeg ua hauj lwm. Kev nyab xeeb thiab kev yog ntiag tug ntawm peb cov neeg ua hauj lwm, cov neeg mob thiab cov tsev neeg yog qhov muab saib tseem ceeb heev. Qhov no suav nrog:
Kev ceev kev yog ntiag tug ntawm niam txiv thiab tus neeg ua hauj lwm cov ntaub ntawv.
- Tsis tso cai rau tej tug neeg ua hauj lwm uas tsis tau txais kev tso cai hauv cov chaw saib xyuas neeg mob yam tsis muaj ntaub ntawv raws cai uas phim.
Puas yog qib kev nkag teb chaws cuam tshuam rau kuv tsev neeg li kev saib xyuas?
Children’s Minnesota tau muab kev saib xyuas rau peb cov neeg mob thiab cov tsev neeg yam tsis quav ntsej txog qib kev nkag teb chaws los sis lub peev xwm them – thiab yuav ua li ntawd txuas mus ntxiv.
Puas yog Children’s Minnesota muab neeg mob qib kev nkag teb chaws qhia rau cov koom haum tub ceev xwm?
Children’s Minnesota ua raws li Xeev thiab Tsoom Fwv cov cai lij choj kev yog ntiag tug uas pov thaiv tej ntaub ntawv neeg mob tau txais nrog rau lawv li kev saib xyuas. Peb yuav ceev cov neeg mob li ntaub ntawv cia ua ntiag tug. Peb yeej tsis qhia tawm neeg mob tej ntaub ntawv tshwj tsis yog cov neeg mob tso cai rau peb qhia los sis txoj cai lij choj yuam kom qhia.
- Xeev yuav tsum qhia tawm cov ntaub ntawv tus neeg tso npe txais Kev Pab Txhawb Fab Kev Kho Mob Medicaid thiab Xwm Txheej Ceev nrog rau Cov Chaw Pab Cuam Medicare thiab Medicaid (Centers for Medicare and Medicaid Services, CMS), thiab CMS tso cai muab cov ntaub ntawv ntawd coj los qhia rau Tebchaws Meskas Lub Tuam Tsev Hauj Lwm Ntsig Txog Kev Ruaj Ntseg Hauv Teb Chaw.
- Cov ntaub ntawv rau cov khoos kas ntawm xeev xws li MinnesotaCare tsis muab qhia tawm nrog rau CMS.
Puas yog tsoom fwv cov neeg sawv cev nkag mus rau Children’s Minnesota lub tuam tsev tau thaum tus neeg mob tseem nyob ntawd?
Tub ceev xwm tuaj yeem nkag tau mus rau hauv cov chaw qhib rau zej tsoom tuaj nyob-nyob rau hauv peb cov tuam tsev xws li cov chav tos qhua thiab chaw noj mov tab sis tsis tuaj yeem nkag tau mus rau hauv cheeb tsam neeg mob nyob yam tsis muaj cov ntaub ntawv raws cai uas phim.
Yuav ua li cas yog kuv tsev neeg tsis yooj yim tuaj rau hauv peb qhov chaw teem caij?
Koj txoj kev thaj yeeb nyab xeeb tseem ceeb heev. Yog koj tsis yooj yim mus ntsib ntawm tus kheej, thov hu rau koj lub chaw kuaj mob txhawm rau tshawb nrhiav lwm cov hauv kev xaiv. Peb tuaj yeem npaj cov kev mus ntsib hauv es les taus niv, kev kho mob hu xov tooj ncua kev deb los sis lwm cov hauv kev daws teeb meem yooj yim txhawm kom paub tseeb tias koj tus me nyuam li kev saib xyuas tsis cuam tshuam.
Puas yog koj muaj cov peev txheej kev pab txhab ntxiv rau kev txhawb nqa los sis lus nug?
Ntawm nov yog qee cov peev txheej kev pab txhab ntxiv:
- Kawm paub ntxiv txog feem cuam tshuam ntawm cov kev nqis tes ntawm tsoom fwv tam sim no thiab seb tuam ceeb nroog Minneapolis thiab St. Paul muab lus teb li cas.
- Tham nrog cov me nyuam hais txog I.C.E. cov kev nqis tes
