JEEXISTA QALLIINKA IYO DAADINTA DHEECAANKA MALAXDA AGAGAARKA QUMANKA

Article Translations: (English) (Spanish) (Hmong)

Waa maxay malaxda agagaarka qumanka?

• Malax isku ururtay ayaa ku xayirmeysa inta u dhaxaysa qumanka iyo muruqa u dhow - oo sidaas ayey agagaarka qumanka agtooda ayey) malaxdu galeysaa.
• Malaxda urureysa inta badan waa natiijada caabuqa qumanka ama dhuunta - badanaa waxaa keena bakteeriyo ah Istereebto-kooko, Istaafali-kooko, ama bakteeriyo kale oo ku dhacda neefsashada.
• Malaxda uruurta waxaa darbiga ku dhejinaya oo waxay yeelaneysaa dahaar ka celinaya daawada antibiyootiggu in ay gaarto caabuqa.

Muxuu ilmuhu ugu baahan yahay in laga soo daadiyo dheecaanka agagaarka qumanka?

• Inta badan, calaamadaha kama ba'ayaan ka dib daawada antibiyootigga taas oo macnaheedu yahay in aysan daawadu awoodaan in ay gaarto nabarrada oo ay qallajiso caabuqa gudaha. Mararka qaarkood nabarka ayaa aad u weyn xataa ka hor inta aan dawooyinka la isticmaalin ayaa dhakhtarka qalliinka ENT uu go'aamin karaa in dheecaanka la soo saaro.
• Taas macnaheedu waa haddii aan malaxda la soo saarin, infakshanka ayaa ku sii faafi karta meelaha kale ee ah afka, qoorta, iyo xabadka oo waxaa adkeyneysa in ilmuhu neefsado.

Sidee baa loo soo saari karaa malaxda agagaarka qumanka?

• Hawsha waxaa sameynaya dhakhtarka qalliinka ee dhegaha, sanka, iyo cunaha. Hawshan waxaa badanaa la yiraahdaa I & D ama jeexid iyo dheecaan saaarid.
• Jeexid yar ayaa lagu sameynayaa gudaha afka ilmaha qeybta hore ee qumanka caabuqay. Malaxda waxaa laga soo saarayaa duleel yar.
• Carruurta qaarkood, hawshan waxaa lagu sameeyaaiyaga oo aan la suuxin ama la seexiyey.
• Carruurta badanaa hawshan waxaa loogu qabtaa qolka qalliinka iyaga oo si guud loo suuxinayo. Taas macnaheedu waa in uu ilmuhu hurdeysnaan doono oo si taxaddar leh loola socon doono. Waxaad fursad u heli doontaa in aad la hadasho dhakhtarka suuxinta maalinta qalliinka si aad u weydiiso su'aal kasta oo aad ka qabto badqabka iyo khataraha suuxinta.

Maxaan ka shakin karaa qalliinka ka dib?

• Jeexitaan yar ayaa furan si uu dheecaanka infekshanka uga soo baxo. Meesha la jeexay waxay ku bogsan doontaa saddex ilaa shan maalmood.
• Isbitaalka ayaa ula soconaya si dhow iyadoo la siinayo daawooyinka xanuunka, in laga ilaaliyo fuuqbaxa, iyo daawo ah antibiyootig. Carruurta qaarkood ayaa guriga la geeyaa isla maalinta hawsha qalliinka; laakiin waxaa go'aamin doona dhakhtarka qalliinka.
• Qandho heerkeedu yahay 102.0 F qalliinka ka dib waa caadi. Dhakhtarka la xiriir haddii qandhadu ka sarreyso 102.0 F markaad siiso acetaminophen(Tylenol) iyo/ama Ibuprofen
• Marka ilmuhu diyaar u yahay in aad guriga u kaxeysaneyso waxaa guriga loo siinayaa:
• Daawo ah antibiyootig afka ah 7 ilaa 10 maalmood
• Tylenol® (acetaminophen) ama Children's Motrin® (ibuprofen) la siiyo hadba sidii loogu baahdo
• Dib ugu bilow cuntada caadiga ah marka uu cuni karo
• Waxa uu ilmuhu ku noqon karaa iskuulka marka uu xanuunka ka roonaado.
• Ballanta la-socoshada ee dhakhtarka daaweynta guud waa daawada antibiyootigga ah markay u dhammaato ka dib.

Khasab miyaa in ilmaha laga gooyo qumanka?

• Haddii ilmaha uu ku dhici jirtay infakshanka qumanka ama uu horay u qabay malaxda agagaarka qumanka, dhakhtarka ENT ayaa laga yaabaa inuu ku taliyo in laga saaro qumanka labada ilaa saddexda bilood ka dib si looga hortago infakshanka soo-noqnoqda. Hase ahaatee, haddii ay hadda ugu horreyso infakshanka qumanka, qalliin kale badanaa uma aha lagama maarmaan ma aha ama wax faa'iido u leh.

Su'aalo?

Macluumaadka ku qoran waraaqahan gaar kuma aha ilmahaaga. Macluumaadkan waa mid guud oo la siiyo ilmaha la qalo oo dhan. Macluumaadka waxaa loogu talagalay warbixin iyo macluumaad ahaan oo keliya balse waa IN AAN loo isticmaalin wax baddiil u noqon kara talada dhakhtarka carruurta. Haddii aad wax su'aalo ah qabto, fadlan taleefan u soo dir Kilinigga Children's ENT & Facial Plastic Surgery (ENT & Qeybta Qalliinka Wejiga) 612-874-1292.

Dibu-eegistii 11/2022

Back To Top