တၢ်ကွၢ်ထွဲလၢတၢ်မၤအီၤလၢအ့ထၢၣ်နဲးအဖီခိၣ် – Virtual Clinic – Karen
တၢ်ဒုးနဲၣ်သးလၢ အ့ထၢၣ်နဲးဘံၢ်ဒံၢ်အိၣ်ဖီခိၣ်
တၢ်အံၤမၤတၢ်ဒ်လဲၣ်
ဂံၢ်ခီၣ်ထံးတၢ်ကွၢ်ထွဲအါမံၤ ဒီး တၢ်ကွၢ်ထွဲ တၢ်ဆူးတၢ်ဆါလီၤဆီ ကသံၣ်ဒၢးတဖၣ်န့ၣ် ဟ့ၣ်ဝဲဒၣ် တၢ်ဒုးနဲၣ်သးလၢ အ့ထၢၣ်နဲးဘံၢ်ဒံၢ်အိၣ်ဖီခိၣ်န့ၣ်လီၤ. သံကွၢ် နဖိအကသံၣ်သရၣ်လၢ မ့ၢ်တၢ်ဒုးနဲၣ်သးလၢ ဘံၢ်ဒံၢ်အိၣ်န့ၣ် ကြၢးဝဲဘၣ်ဝဲလၢ အဝဲသ့ၣ် တၢ်ကွၢ်ထွဲအဂီၢ် ကစီဒီဧါတက့ၢ်.
နၣ်ရံၣ်တဖၣ်
ကသံၣ်ဒၢးအါတက့ၢ်လၢ ပၣ်ဃုာ်မၤသကိးတၢ်န့ၣ် ဟ့ၣ်ထီၣ် တၢ်ဒုးနဲၣ်သးလၢ ဘံၢ်ဒံၢ်အိၣ်ဖီခိၣ် ဖဲညီနုၢ် ကသံၣ်ဒၢးတၢ်ကွၢ်ထွဲအနၣ်ရံၣ်တဖၣ်အဖၢမုၢ် ဖဲမုၢ်ဆၣ်တုၤ မုၢ်ဖီဖးန့ၣ်လီၤ. နၣ်ရံၣ်တဖၣ်န့ၣ် လီၤဆီဝဲဒၣ်လၢ ကသံၣ်ဒၢးအဖီခိၣ်န့ၣ်လီၤ.
ကဘၣ်နုာ်လီၤပၣ်ဃုာ်ဒ်လဲၣ်
နကဒိးန့ၢ်ဘၣ် တၢ်ကွဲးဆှၢလံာ်တၢ်ကစီၣ်တဘ့ၣ် မ့တမ့ၢ် အံမ့(လ)တဘ့ၣ် လၢအိၣ်ဒီး လ့း(ခ)လိၤလိၤတခါ လၢကနုာ်လီၤပၣ်ဃုာ်တၢ်လၢ န တၢ်ဒုးနဲၣ်သးလၢ ဘံၢ်ဒံၢ်အိၣ် အဂီၢ်န့ၣ်လီၤ.
တၢ်လၢာ်ဘူၣ်လၢာ်စ့ၤ
တၢ်ဒုးနဲၣ်သးလၢ ဘံၢ်ဒံၢ်အိၣ် အတၢ်လၢာ်ဘူၣ်လၢာ်စ့ၤန့ၣ် ထဲသိးသိးဒီး တၢ်လဲၤဒုးနဲၣ်သးလၢကသံၣ်ဒၢး ဒီး ဘၣ်တၢ်ကျၢၢ်ဘၢဟ့ၣ်စၢၤအပှ့ၤလၢ တၢ်အုၣ်ကီၤအတၢ်တိာ်ကျဲၤ အါတက့ၢ်န့ၣ်လီၤ.
တၢ်ဟ့ၣ်ကူၣ်တဖၣ်လၢ တၢ်ဒုးနဲၣ်သးလၢ ဘံၢ်ဒံၢ်အိၣ် ဘျ့ဘျ့ရှီရှီအဂီၢ်
စူးကါ MyChart: လၢတၢ်လဲၤခီဖျိ အဂ့ၤကတၢၢ်အဂီၢ်, ပဟ့ၣ်ဂံၢ်ဟ့ၣ်ဘါဆူၣ်ဆူၣ်လၢ ပှၤကစူးကါ MyChart လၢ ကနုာ်လီၤပၣ်ဃုာ်တၢ်ဒ် ပှၤတမှံၤအသိး အလီၢ်န့ၣ်လီၤ. MyChart ဒုးမၤဝံၤနၤ တချုး-တၢ်ဒုးနဲၣ်သး တၢ်ဆဲးလီၤမံၤဆိဆိ, ဘျးစဲန့ၢ်နၤဒီး နကသံၣ်သရၣ်လိၤလိၤ ဃုာ်ဒီး တၢ်မၤအဆီစှၤဘီ, ဒီး ဟံးဃာ် နဖိအတၢ်သ့ၣ်ဆၢဖးကတီၢ်လၢ တၢ်ထံၣ်လိာ်သးအဂီၢ် အဂ့ၢ်လီၤတံၢ်တဖၣ် လၢတၢ်ဘံၣ်တၢ်ဘၢအပူၤ ဖဲတၢ်လီၢ်တတီၤဧိၤအပူၤန့ၣ်လီၤ. လိၣ်လၢကတ့ဒုးအိၣ်ထီၣ် Children’s Minnesota MyChart အကီးတခါဧါ. ဆဲးလီၤမံၤ ဖဲအံၤတက့ၢ်..
ပီးလီ- စူးကါ လီတဲစိစိာ်စု ပီးလီ မ့တမ့ၢ် ခီၣ်ဖၠူထၢၣ် ဒီး မၤလီၤတံၢ်လၢ နခဲမရၢၢ်, တၢ်ကလုၢ်ဒၢ ဒီး အ့ထၢၣ်နဲး ကမၤတၢ်ဂ့ၤဂ့ၤန့ၣ်တက့ၢ်. မ့ၢ်စူးကါ ခီၣ်ဖၠူထၢၣ်န့ၣ်, မ့ၢ်စူးကါ တၢ်ဘျးစဲလၢအိၣ်ဒီး ခ့ဘၢၣ်ပျံၤ န့ၣ်ဂ့ၤဒိၣ်န့ၢ်ဒံး တၢ်ဘျးစဲလၢတအိၣ်ဒီး ခ့ဘၢၣ်ပျံၤ (Wi-Fi) န့ၣ်လီၤ. တၢ်ဘျးစဲလၢအိၣ်ဒီး ခ့ဘၢၣ်ပျံၤ ဒီး တၢ်ဘျးစဲလၢတအိၣ်ဒီး ခ့ဘၢၣ်ပျံၤ ခံမံၤလိာ်န့ၣ် ဂ့ၤန့ၢ်ဒံး တၢ်စူးကါ စဲလူလၣ် ဒ့ထၢၣ် ဖဲ လီတဲစိစိာ်စုအပူၤန့ၣ်လီၤ. မၤလီၤတံၢ်လၢ နပီးလီန့ၣ် အဂံၢ်အိၣ်ပှဲၤ မ့တမ့ၢ် ဘၣ်တၢ်ဘျးစဲအီၤဒီး ဂံၢ်သဟီၣ်ဂံၢ်ထံးတက့ၢ်.
ပှၤဟဲထီၣ်တၢ်- ပှၤဆါတဂၤန့ၣ် ကဘၣ်ဟဲထီၣ်ဝဲဒၣ် တၢ်ဒုးနဲၣ်သးလၢ ဘံၢ်ဒံၢ်အိၣ်အဂီၢ် မ့တမ့ၢ်ဘၣ်လၢ အကသံၣ်သရၣ်တဲဘၣ်အီၤ အဂၤတမံၤမံၤဘၣ်လီၤ. မိၢ်ပၢ် မ့တမ့ၢ် ပှၤကွၢ်ထွဲတၢ်ဖိးသဲစးတဂၤန့ၣ် မ့ၢ်ဘၣ်တၢ်လိၣ်ဘၣ်အီၤလၢ တၢ်ဒုးနဲၣ်သးအဂီၢ်အဃိ ကဘၣ်ဟဲထီၣ်စ့ၢ်ကီးန့ၣ်လီၤ.
တၢ်လီၢ်တၢ်ကျဲ- အိၣ်ဖဲ တၢ်လီၢ်လၢ အမုာ်အပၢၤ, အဘှ့ၣ်အဘှီၣ်, တၢ်ကပီၤဂ့ၤဂ့ၤ ဒီး ပှၤဂၤတမၤတံာ်တာ်ဘၣ်န့ၣ်တက့ၢ်. နကဘၣ်အိၣ်လၢ Minnesota အပူၤ ဖဲတၢ်ဒုးနဲၣ်သး အဆၢကတီၢ်န့ၣ်လီၤ. နမ့ၢ်အိၣ်လၢ Minnesota အချၢန့ၣ်, နကဘၣ်ဆဲးကျိးဆိပာ်စၢၤ ကသံၣ်ကျးန့ၣ်လီၤ.
အံ-တၢ်လဲၤဒုးနဲၣ်သး
မတၤစူးကါ အံ-တၢ်လဲၤဒုးနဲၣ်သး သ့လဲၣ်
ကတီၢ်ခဲအံၤ Children’s Minnesota ဒီး ပှၤမၤသကိးတၢ်တဖၣ်လၢ ဖိသၣ်ကသံၣ်ကသီပီညါ ဂံၢ်ခီၣ်ထံး တၢ်ကွၢ်ထွဲ ပှၤဆူးပှၤဆါတဖၣ် (သးနံၣ် 18 ဒီးဆူဖီလာ်) စူးကါသ့လီၤ. ကမၤ အံ-တၢ်လဲၤဒုးနဲၣ်သးအဂီၢ်, မိၢ်ပၢ်/ပှၤကွၢ်ထွဲတၢ် (အိၣ်ဒီး အ့ထၢၣ်နဲးတၢ်နုာ်လီၤစူးကါ တၢ်ဟ့ၣ်ပျဲခွဲးယာ်) မ့တမ့ၢ် ပှၤဆါတဖၣ် (သးနံၣ် 12–18) ကဘၣ်အိၣ်ဒီး Children’s Minnesota MyChart အကီးလၢ အမူအဂဲၤတခါန့ၣ်လီၤ. လိၣ်လၢကတ့ဒုးအိၣ်ထီၣ် Children’s Minnesota MyChart အကီးတခါဧါ. ဆဲးလီၤမံၤ ဖဲအံၤတက့ၢ်.
မၤတၢ်ဒ်လဲၣ်
စံးဆၢ တၢ်သံကွၢ်တဖၣ်လၢ MyChart အပူၤ ဘၣ်ဃးဒီး နတၢ်ဆါအပနီၣ်တဖၣ်ဒီး တၢ်ဂ့ၢ်တၢ်ကျိၤအဂၤတဖၣ် အဒိဒ်သိး တၢ်တဘၣ်လိာ်ဒီးသွံၣ်ထံ, ကသံၣ်ကျးလၢ ဘၣ်သးအါ, တၢ်အုၣ်ကီၤဒီး တၢ်ဟ့ၣ်ဘူးလဲ (တၢ်အံၤကယံာ်ဝဲ 10 မံးနံး) တက့ၢ်. မ့ၢ်ဝံၤ, ဂံၢ်ခီၣ်ထံး တၢ်ကွၢ်ထွဲ ကသံၣ်သရၣ်တဂၤ ကသမံသမိးကွၢ်က့ၤ နတၢ်စံးဆၢဒီး ဆှၢလီၤန့ၢ်နၤ တၢ်ကူစါယါဘျါ တၢ်တၢ်တိာ်ကျဲၤတမံၤ, တဘျီတခီၣ် လၢစှၤနၣ်ရံၣ် အပူၤန့ၣ်လီၤ.
တၢ်လၢပကူစါယါဘျါ
ကတီၢ်ခဲအံၤ, ပ အံ-တၢ်လဲၤဒုးနဲၣ်သးတဖၣ်န့ၣ် ကူစါ တၢ်ဟၢဖၢကျၢၤ, မဲာ်ချံဂီၤ, ဖံးဘ့ၣ်ပြူထီၣ်, ကိာ်ယူၢ်ဘိညိး ဒီး တၢ်ဘှိးန့ၣ်လီၤ.
တၢ်လၢာ်ဘူၣ်လၢာ်စ့ၤ
အံ-တၢ်လဲၤဒုးနဲၣ်သးတဖၣ်န့ၣ် ထီဘိ ဘၣ်တၢ်ကျၢၢ်ဘၢအီၤလၢ တၢ်အုၣ်ကီၤ တၢ်တိာ်ကျဲၤ အါတက့ၢ်န့ၣ်လီၤ. ပကူစါယါဘျါနဖိလၢ ဆဲးကျိးန့ၢ်တီၤဖီခိၣ် ပူၤပူၤဖျဲးဖျဲး မ့ၢ်တသ့ဘၣ်န့ၣ်, နတဘၣ်တၢ်ပာ်နၤအပှ့ၤလၢ အံ-တၢ်လဲၤဒုးနဲၣ်သးအဂီၢ်ဘၣ်. ခိၣ်ဖ့ မ့တမ့ၢ် တၢ်ပာ်အပှ့ၤ တမံၤလၢ်လၢ် လၢတဘၣ်တၢ်ကျၢၢ်ဘၢန့ၣ် ကဘၣ်တၢ်ဆှၢကဒွဲစရီဆူနအိၣ်လီၤ.
တၢ်သံကွၢ်တဖၣ်လၢညီနုၢ်ဘၣ်တၢ်သံကွၢ်အီၤခဲအံၤခဲအံၤ
တၢ်သံကွၢ်-ယကဘၣ်နုာ်လီၤပၣ်ဃုာ်လၢ ယဖိအဘံၢ်ဒံၢ်အိၣ် တၢ်လဲၤဒုးနဲၣ်သး ဒ်လဲၣ်
နမ့ၢ်အိၣ်ဒီး Children’s Minnesota MyChart အကီးတခါန့ၣ်-
- မၤပှဲၤ eCheck-in (အံတၢ်ဆဲးလီၤမံၤ) ခီဖျိတၢ်စူးကါ လ့း(ခ)လၢ ဘၣ်တၢ်ဆှၢနၤ ခီဖျိ လံာ်တၢ်ကစီၣ် မ့တမ့ၢ် အံမ့(လ) 7 သီ ဖဲတချုး နမၤတၢ်သ့ၣ်ဆၢဖးကတီၢ်လၢတၢ်ထံၣ်လိာ်သးအဂီၢ်ဒံးဘၣ်တက့ၢ်. (တိၢ်နီၣ်- နကဘၣ်ဆဲးလီၤမံၤနုာ်လီၤ ဒ်သိးကဒိးန့ၢ်ဘၣ် လံာ်မဲာ်းဆ့း လၢ Children’s Minnesota အအိၣ် အဂီၢ်န့ၣ်လီၤ).
- တချုးတၢ်သ့ၣ်ဆၢဖးကတီၢ်လၢ တၢ်ထံၣ်လိာ်သးအဂီၢ်ဒံးဘၣ် တနၣ်ရံၣ်န့ၣ်, နကဒိးန့ၢ်ဘၣ် ဘံၢ်ဒံၢ်အိၣ်လ့း(ခ)လၢ တၢ်လဲၤဒုးနဲၣ်သးအဂီၢ်န့ၣ်လီၤ. စူးကါလ့း(ခ)အံၤ ဒ်သိးကစးထီၣ် တၢ်ဒုးနဲၣ်သးခီဖျိဘံၢ်ဒံၢ်အိၣ် ဖဲနတၢ်သ့ၣ်နံၤဖးသီအဆၢကတီၢ်န့ၣ်တက့ၢ်.
- နမၤဝံၤမၤပှဲၤ eCheck-in မ့ၢ်ဝံၤန့ၣ် နနုာ်လီၤပၣ်ဃုာ်လၢ နတၢ်ဒုးနဲၣ်သးခီဖျိ MyChart “Visits (တၢ်ဒုးနဲၣ်သး)” နီၣ်ဆီၣ်ခံ မ့တမ့ၢ် “Join visit (နနုာ်လီၤပၣ်ဃုာ်လၢ နတၢ်ဒုးနဲၣ်သး)” နီၣ်ဆီၣ်ခံ လၢတၢ်ဟ့ၣ်ပလီၢ်နၤတဖၣ်န့ၣ်လီၤ.
- ဝံသးစူၤ အိးထီၣ်ဃာ်နပီးလီ တုၤလၢ နကသံၣ်သရၣ် နုာ်လီၤပၣ်ဃုာ်တၢ်တက့ၢ်.
- တၢ်ထၢနုာ်လီၤ ပှၤတမှံၤတဂၤ, အဒိဒ်သိး မိၢ်ပၢ် မ့တမ့ၢ် ပှၤကွၢ်ထွဲတၢ်ဖိးသဲစး လၢကပၣ်ဃုာ်သကိးတၢ်, န့ၣ်ကမၤလီၤတံၢ်စၢၤတၢ် ဒ်သိးပှၤကိးဂၤဒဲးလၢအပၣ်ဃုာ်တၢ်လၢ နဖိအတၢ်ကွၢ်ထွဲအပူၤန့ၣ် ကန့ၢ်ဘၣ်တၢ်ဂ့ၢ်တၢ်ကျိၤအဂီၢ်န့ၣ်လီၤ. တၢ်တၢၣ်ပီၣ်သကိးတၢ်ဒီး နဖိအကသံၣ်သရၣ်ဝံၤအလီၢ်ခံ, နထၢနုာ်အါထီၣ် ပှၤပၣ်ဃုာ်သကိးတၢ်တဖၣ်ဆူ တၢ်ဒုးနဲၣ်သးလၢ ဘံၢ်ဒံၢ်အိၣ်အပူၤသ့ဝဲ ခီဖျိ MyChart လီၤ-
- လၢ MyChart အစရီမိၢ်ပှၢ်, ဃုထၢ Visits (တၢ်ဒုးနဲၣ်သး) မံၤဘျးစဲ.
- ဃုထၢ Details (တၢ်ဂ့ၢ်လီၤတံၢ်တဖၣ်) လၢ နတၢ်လဲၤဒုးနဲၣ်သး လၢကတုၤဃီၤဘူးထီၣ်အဂီၢ်တက့ၢ်.
- ဃုထၢ View and Invite Participants (ကွၢ်ဒီး ကွဲမုာ် ပှၤပၣ်ဃုာ်သကိးတၢ်တဖၣ်)တက့ၢ်.
- နကဘၣ်တၢ် တဲဖျါနၤလၢ ကထၢနုာ်လီၤ အံမ့(လ)အမံၤ လၢပှၤတမှံၤအဂီၢ်န့ၣ်လီၤ.
- နသံကွၢ် နကသံၣ်သရၣ်သ့စ့ၢ်ကီးလၢ ကဆှၢန့ၢ်နၤ ဘံၢ်ဒံၢ်အိၣ် တၢ်လဲၤဒုးနဲၣ်သး လ့း(ခ) လၢပှၤတမှံၤအဂီၢ်န့ၣ်လီၤ.
နမ့ၢ်တအိၣ်ဒီး Children’s Minnesota MyChart အကီးဘၣ်န့ၣ်-
- နမ့ၢ်ဒိးန့ၢ် အံတၢ်ဆဲးလီၤမံၤ လ့း(ခ) ခီဖျိ တၢ်ဆှၢလံာ် မ့တမ့ၢ် အံမ့(လ)န့ၣ်, ဝံသးစူၤ ဆဲးလီၤမံၤဒီး မၤပှဲၤ လံာ်တီလံာ်မီလၢအလိၣ်တဖၣ် ဒီး စံးဆၢတၢ်သံကွၢ်တဖၣ် ဖဲတချုး နဒုးနဲၣ်သးဒံးဘၣ်တက့ၢ်.
- တချုးတၢ်သ့ၣ်ဆၢဖးကတီၢ်လၢ တၢ်ထံၣ်လိာ်သးအဂီၢ်ဒံးဘၣ် တနၣ်ရံၣ်န့ၣ်, နကဒိးန့ၢ်ဘၣ် ဘံၢ်ဒံၢ်အိၣ်လ့း(ခ)လၢ တၢ်လဲၤဒုးနဲၣ်သးအဂီၢ်န့ၣ်လီၤ. စံၢ်လီၤလ့း(ခ)လၢ ကအိးထီၣ် တၢ်လဲၤဒုးနဲၣ်သးလၢဘံၢ်ဒံၢ်အိၣ်အဂီၢ် ဖဲတၢ်သ့ၣ်ဆၢဖးကတီၢ် အဆၢကတီၢ်တက့ၢ်.
- အိးထီၣ်ဃာ်နပီးလီ တုၤလၢ နကသံၣ်သရၣ် နုာ်လီၤပၣ်ဃုာ်တၢ်တက့ၢ်.
- တၢ်ထၢနုာ်လီၤ ပှၤတမှံၤတဂၤ, အဒိဒ်သိး မိၢ်ပၢ် မ့တမ့ၢ် ပှၤကွၢ်ထွဲတၢ်ဖိးသဲစး လၢကပၣ်ဃုာ်သကိးတၢ်, န့ၣ်ကမၤလီၤတံၢ်စၢၤတၢ် ဒ်သိးပှၤကိးဂၤဒဲးလၢအပၣ်ဃုာ်တၢ်လၢ နဖိအတၢ်ကွၢ်ထွဲအပူၤန့ၣ် ကန့ၢ်ဘၣ်တၢ်ဂ့ၢ်တၢ်ကျိၤအဂီၢ်န့ၣ်လီၤ. ဖဲတၢ်တၢၣ်ပီၣ်သကိးတၢ်ဒီး နဖိအကသံၣ်သရၣ်ဝံၤအလီၢ်ခံ, နထၢနုာ်အါထီၣ် ပှၤပၣ်ဃုာ်မၤသကိးတၢ်သ့ဝဲဆူ န ဘံၢ်ဒံၢ်အိၣ် တၢ်လဲၤဒုးနဲၣ်သးအပူၤ ခီဖျိ ဆှၢခီလီၤ ဘံၢ်ဒံၢ်အိၣ် တၢ်လဲၤဒုးနဲၣ်သး လ့း(ခ)လိၤလိၤဆူ ပှၤတမှံၤအအိၣ်န့ၣ်လီၤ. မ့တမ့ၢ်, တဲဘၣ်နကသံၣ်သရၣ် လၢကဆှၢလီၤ လ့း(ခ)လိၤလိၤဆူ ပှၤတမှံၤအအိၣ်တက့ၢ်.
လိၣ်ဘၣ်တၢ်မၤစၢၤ လၢကဘျးစဲနၤဒီး ဘံၢ်ဒံၢ်အိၣ် တၢ်လဲၤဒုးနဲၣ်သးဧါ. ဝံသးစူၤကိးဘၣ် ကသံၣ်ဒၢး လိၤလိၤတက့ၢ်.
တၢ်သံကွၢ်-ယဖိမ့ၢ်လိၣ်ဘၣ် ကသံၣ်ဖီၣ်လၢကသံၣ်သရၣ်နဲၣ်လီၤန့ၣ် ကဘၣ်မၤဒ်လဲၣ်
တၢ်စံးဆၢ-လၢဘံၢ်ဒံၢ်အိၣ် တၢ်လဲၤဒုးနဲၣ်သး မ့တမ့ၢ် အံ-တၢ်လဲၤဒုးနဲၣ်သးအပူၤ နဖိအကသံၣ်သရၣ် မ့ၢ်ဆၢတဲာ်လၢ အဝဲသ့ၣ်လိၣ်ဘၣ် ကသံၣ်ကသီလီၤန့ၣ်, အဝဲသ့ၣ်ကဆှၢလီၤန့ၢ်နၤ ကသံၣ်ဖီၣ်လၢ ကသံၣ်သရၣ်နဲၣ်လီၤ ဆူ နကသံၣ်ကျးလၢ နဘၣ်သးအါအအိၣ်န့ၣ်လီၤ.
တၢ်သံကွၢ်-မ့ၢ်တၢ်အုၣ်ကီၤ ကျၢၢ်ဘၢဟ့ၣ်စၢၤ တၢ်ကွၢ်ထွဲလၢ အ့ထၢၣ်နဲးဘံၢ်ဒံၢ်အိၣ် အဖီခိၣ်အဂီၢ်ဧါ
တၢ်စံးဆၢ-မ့ၢ်, တၢ်အုၣ်ကီၤ တၢ်တိာ်ကျဲၤ အါတက့ၢ်န့ၣ် ကျၢၢ်ဘၢဟ့ၣ်စၢၤ တၢ်ကွၢ်ထွဲလၢ အ့ထၢၣ်နဲးဘံၢ်ဒံၢ်အိၣ်အဂီၢ်, ပၣ်ဃုာ်ဒီး ဘံၢ်ဒံၢ်အိၣ် တၢ်ဒုးနဲၣ်သးဒီး အံ-တၢ်လဲၤဒုးနဲၣ်သးန့ၣ်လီၤ. ပဟ့ၣ်ကူၣ်နၤလၢ ကဆဲးကျိး နတၢ်အုၣ်ကီၤ အခီပနံာ် လၢကသ့ၣ်ညါလီၤတံၢ် နတၢ်အုၣ်ကီၤကျၢၢ်ဘၢအဂီၢ်န့ၣ်လီၤ.
တၢ်သံကွၢ်-ဘံၢ်ဒံၢ်အိၣ် တၢ်လဲၤဒုးနဲၣ်သးတဖၣ်န့ၣ် တၢ်ဟ့ၣ်အီၤလၢ ကျိာ်တၢ်ကတိၤအဂၤဒံးဧါ
တၢ်စံးဆၢ-မ့ၢ်, တၢ်အုၣ်ကီၤ တၢ်တိာ်ကျဲၤ အါတက့ၢ်န့ၣ် ကျၢၢ်ဘၢဟ့ၣ်စၢၤ တၢ်ကွၢ်ထွဲလၢ အ့ထၢၣ်နဲးဘံၢ်ဒံၢ်အိၣ်အဂီၢ်, ပၣ်ဃုာ်ဒီး ဘံၢ်ဒံၢ်အိၣ် တၢ်ဒုးနဲၣ်သးဒီး အံ-တၢ်လဲၤဒုးနဲၣ်သးန့ၣ်လီၤ. ပဟ့ၣ်ကူၣ်နၤလၢ ကဆဲးကျိး နတၢ်အုၣ်ကီၤ အခီပနံာ် လၢကသ့ၣ်ညါလီၤတံၢ် နတၢ်အုၣ်ကီၤကျၢၢ်ဘၢအဂီၢ်န့ၣ်လီၤ.
တၢ်သံကွၢ်-ပမ့ၢ်တအိၣ်လၢ Minnesota အပူၤဒၣ်လဲာ် ပမၤဘံၢ်ဒံၢ်အိၣ် တၢ်လဲၤဒုးနဲၣ်သး သ့ဧါ
တၢ်စံးဆၢ-အါစုအါဘျီ တသ့ဘၣ်. မ့ၢ်လၢ ကသံၣ်ကသီဂ့ၢ်ဝီ လဲးစ့ၣ် သဲစးတဖၣ်အဃိ, နၤ ဒီး နဖိ ကဘၣ်အိၣ်လၢ Minnesota အပူၤ ဖဲနဘံၢ်ဒံၢ်အိၣ် တၢ်လဲၤဒုးနဲၣ်သး အဆၢကတီၢ်န့ၣ်လီၤ. နမ့ၢ်အိၣ်လၢ Minnesota အချၢန့ၣ်, နကဘၣ်ကိးဆိ နကသံၣ်ဒၢး လၢကတၢၣ်ပီၣ်သကိး နတၢ်ဃုထၢတဖၣ်အဂီၢ်န့ၣ်လီၤ. ပကသံၣ်သရၣ်တနီၤန့ၣ် အိၣ်ဒီး လံာ်တၢ်ပျဲလၢ Wisconsin အဂီၢ်, သနာ်က့ နကဘၣ်ကိး ကသံၣ်ဒၢးလၢညါ လၢကမၤလီၤတံၢ်လၢ နတၢ်လဲၤဒုးနဲၣ်သးအံၤ ကကဲထီၣ်လိၣ်ထီၣ်အဂီၢ်န့ၣ်လီၤ.
တၢ်သံကွၢ်-ဖဲဘံၢ်ဒံၢ်အိၣ် တၢ်လဲၤဒုးနဲၣ်သးအဖၢမုၣ် မ့ၢ်ယဖိလၢ သးနံၣ်ဆံဆဲၣ်နံၣ် ကတိၤတၢ်ဒီး ကသံၣ်သရၣ်လၢ တၢ်ခူသူၣ်အပူၤသ့ဧါ.
တၢ်စံးဆၢ-မ့ၢ်. နဖိလၢ သးနံၣ်ဆံဆဲၣ်နံၣ် မ့ၢ်အဲၣ်ဒိးကတိၤတၢ်ဒီး ကသံၣ်သရၣ် ခီဂၤဂၤန့ၣ်, တဲဘၣ်ပှၤတက့ၢ်. ကသံၣ်သရၣ် ကဒုးသ့ၣ်ညါနၤ ဖဲလၢ တၢ်ကတိၤခူသူၣ်တၢ်ဒီးဖိသၣ်န့ၣ် ကြၢးဘၣ်ဝဲလၢ တၢ်လဲၤဒုးနဲၣ်သးအဂီၢ် အခါန့ၣ်လီၤ.
တၢ်သံကွၢ်-ဘံၢ်ဒံၢ်အိၣ် တၢ်လဲၤဒုးနဲၣ်သးန့ၣ် မ့ၢ်ဘံၣ်ဘၢပူၤဖျဲးကစီဒီဧါ
တၢ်စံးဆၢ-မ့ၢ်. ပ ဘံၢ်ဒံၢ်အိၣ် တၢ်လဲၤဒုးနဲၣ်သးတဖၣ်န့ၣ် ဘံၣ်ဘၢပူၤဖျဲးဒီး လူၤပိာ်မၤထွဲ HIPAA တၢ်ဘျၢတဖၣ်န့ၣ်လီၤ.
Children’s Minnesota အပှၤမၤတၢ်ဖိ ကအိၣ်လၢ တၢ်လီၢ်တၢ်ကျဲလၢ ပှၤနီၢ်တဂၤအဂီၢ် အဒိဒ်သိး တၢ်မၤကွၢ်တၢ် အဒၢး မ့တမ့ၢ် ဝဲၤဒၢး ဖဲ ဘံၢ်ဒံၢ်အိၣ် တၢ်လဲၤဒုးနဲၣ်သး အခါန့ၣ်လီၤ. ပှၤမၤတၢ်ဖိ မ့ၢ်အိၣ်လၢ ကသံၣ်ကျးတဖျၢၣ်အပူၤ ဖဲတၢ်ထံၣ်ဘၣ် ပှၤမၤတၢ်ဖိအဂၤသ့ဝဲလၢ တၢ်ပျီပူၤန့ၣ်, အဝဲသ့ၣ်ကစူးကါ နီၢ်ဒီနၢ် ဒ်သိးပှၤဂၤတဖၣ် တနၢ်ဟူဘၣ်တၢ်အဂီၢ်န့ၣ်လီၤ.
ဘံၢ်ဒံၢ်အိၣ် တၢ်လဲၤဒုးနဲၣ်သးတဖၣ်န့ၣ် တဘၣ်တၢ်မၤနီၣ်မၤဃါအီၤလၢ Children’s Minnesota နီတဘျီဘၣ်. တၢ်မၤနီၣ်မၤဃါတဖၣ်လၢ တအိၣ်ဒီး တၢ်ဟ့ၣ်စိဟ့ၣ်ကမီၤန့ၣ် တၢ်တဟ့ၣ်တၢ်ပျဲဘၣ်. နတၢ်လဲၤဒုးနဲၣ်သးန့ၣ် မ့မ့ၢ်လၢ လီတဲစိဖီခိၣ်အဃိ, နတၢ်တဲသကိးတၢ်န့ၣ် ကဘၣ်တၢ်ပာ်ခူသူၣ်အီၤ ဒ်လီတဲစိတၢ်ကိးစိ အသိးန့ၣ်လီၤ.
တၢ်သံကွၢ်-အ့ထၢၣ်နဲးတၢ်ဆဲးကျိး မ့ၢ်အိၣ်ပတုာ်အသးဖဲ ဘံၢ်ဒံၢ်အိၣ် တၢ်လဲၤဒုးနဲၣ်သးအပူၤအဖၢမုၢ် တၢ်မနုၤကမၤအသးလဲၣ်
တၢ်စံးဆၢ-ဘံၢ်ဒံၢ်အိၣ် တၢ်လဲၤဒုးနဲၣ်သး မ့ၢ်လီၤတဲာ်န့ၣ်, စူးကါ တၢ်လဲၤဒုးနဲၣ်သး လ့း(ခ)ဒီး နုာ်လီၤကွၢ်ကဒီးတဘျီတက့ၢ်. နဘျးစဲက့ၤမ့ၢ်တန့ၢ်လၢၤဘၣ်န့ၣ်, နကသံၣ်သရၣ် ကကိးနလီတဲစိနီၣ်ဂံၢ် လၢအဘၣ်တၢ်ကွဲးလီၤပာ်အီၤလၢ န MyChart အကီးဖီခိၣ် လၢကမၤဝံၤ တၢ်လဲၤဒုးနဲၣ်သးအဂီၢ် ခီဖျိ လီတဲစိန့ၣ်လီၤ.
ကျဲအဂၤလၢ ကဒိးန့ၢ် တၢ်ကွၢ်ထွဲအဂီၢ်
တၢ်မၤကွၢ် တၢ်ဆါအပနီၣ်တဖၣ်
နဖိအတၢ်ဆါပနီၣ်တဖၣ်န့ၣ် တၢ်ကူစါအီၤလၢဟံၣ် သ့ဧါ တသ့ဘၣ်ဧါ မ့တမ့ၢ် အဝဲသ့ၣ် ကြၢးလဲၤထံၣ်လိာ်သးဒီး ကသံၣ်သရၣ်တဂၤဧါန့ၣ် မ့ၢ်နတသ့ၣ်ညါလီၤတံၢ်ဘၣ်ဧါ. ဃုသ့ၣ်ညါအီၤအခဲအံၤဒီး တၢ်မၤကွၢ် တၢ်ဆါအပနီၣ်, လၢတၢ်ဒိးန့ၢ်အီၤသ့ 24/7 တက့ၢ်.
တၢ်လဲၤနုာ်ဒီး ဒုးနဲၣ်သး တၢ်ကွၢ်ထွဲ
မ့ၢ်နဘၣ်သးအါလၢ တၢ်လဲၤဒုးနဲၣ်သးလၢ နီၢ်ကစၢ် လၢတၢ်ဆူးတၢ်ဆါဒီး တၢ်ဘၣ်ဒိဘၣ်ထံး အဆံးဖိတဖၣ်အဂီၢ်ဧါ. ပ ဂံၢ်ခီၣ်ထံး တၢ်ကွၢ်ထွဲ ကသံၣ်ဒၢးတဖၣ် ဟ့ၣ်ဝဲဒၣ် တၢ်လဲၤနုာ်ဒီးဒုးနဲၣ်သး တၢ်ကွၢ်ထွဲလၢ တၢ်ဆူးတၢ်ဆါလၢ တမ့ၢ်ဘၣ်တၢ်ဆါနး အဒိဒ်သိး တၢ်ကူး, တၢ်ကိၢ်ထီၣ်, တၢ်ဘှိး, ဟၢဖၢလူ, တၢ်ကပြူထီၣ်, တၢ်ဘၣ်ဒိဘၣ်ထံးအဆံးဖိတဖၣ်ဒီး အဂၤတဖၣ်အဂီၢ်န့ၣ်လီၤ. တချုးနဟဲတုၤဒံးဘၣ် ဖဲနဟဲလၢကျဲအခါ ဒ်သိးကမၤနီၣ်ပာ်စၢၤ နဖိအလီၢ်အဂီၢ် ဒုးသ့ၣ်ညါပှၤတက့ၢ်.
