Kev tu xyuas kab mob kev nkeeg hauv tshuab hluav taws xob – Virtual Clinic – Hmong
Kev saib xyuas yooj yim, muaj cov kws txawj kho hniav – nyob ntawm tsev los yeej ua tau.
Kev sib tham pom ntsej muag hauv xov tooj
Hauv kev siv
Muaj ntau tus kws saib xyuas mob xub thawj thiab cov chaw kuaj mob tshwj xeeb muaj cov hauv kev sib tham pom ntsej muag hauv xov tooj. Nug koj tus me nyuam tus kws pab kho mob seb lawv puas muaj qhov sib tham pom ntsej muag hauv xov tooj rau saib xyuas.
Cov sij hawm
Cov chaw kuaj mob koom nrog feem ntau yeej muaj qhov tham pom ntsej muag hauv xov tooj los saib xyuas raws lub chaw kuaj mob cov sij hawm nyob rau ob hnub so ntawm lub vij. Cov sij hawm kuj sib txawv nce raws ntawm lub chaw kuaj mob.
Hauv kev koom nrog
Koj yuav tau txais ib tsab ntawv xa xov los sis email muaj txoj kab txuas mus koom koj qhov sib tham pom ntsej muag hauv xov tooj.
Tus nqi
Tus nqi sib tham pom ntsej muag hauv xov tooj yeej ntau ib yam li mus ntsib lub chaw kuaj mob kiag thiab yeej yog them los ntawm cov phiaj xwm tuav pov hwm.
Cov lus qhia kom sib tham pom ntsej muag tau zoo:
Siv MyChart: Kom siv tau zoo tshaj, peb xav kom siv MyChart, zoo dua mas txhob mus koom tam li yog tus qhua. MyChart yuav muab sij hawm rau koj ua kom tiav kev txheeb xyuas qhov hu mus ntsib ua ntej, txuas ncaj nraim mus rau koj tus kws pab kho mob uas siv ob peb kauj ruam, thiab ceev tseg koj tus me nyuam tej ntaub ntawv teem caij cia zoo nyob rau ib qhov chaw. Puas yuav tau tsim ib tus askhauj Children’s Minnesota MyChart? Tso npe ntawm nov..
Cuab yeej: Siv xov tooj ntawm tes los sis khoos pis tawj thiab yuav tau siv koj lub koob thaij ntawm xov tooj los sis khoos pis tawj, lub mais thiab is taws nem. Yog tias siv lub khoos pis tawj, zoo tiag mas kom txuas txoj xov is taws nem uas txhob yog siv vais lej (Wi-Fi). Siv xov is taws nem thiab vais lej txuas rau yeej zoo dua li siv das taj xov tooj ntawm tes. Muab koj lub cuab yeej xaj kom puv los sis ntsia txoj xov xaj rau.
Tus koom: Tus neeg mob yuav tsum nyob ntawd thaum lub sij hawm sib ntsib tham pom ntsej muag tshwj tsis yog tias tus kws pab kho mob qhia ua lwm yam. Niam txiv los sis tus saib xyuas me nyuam yuav tsum nyob ntawd yog tias yuav tau siv rau qhov hu ntsib mus ntawd.
Qhov chaw: Nyob rau ib qhov chaw xis neeg, ntsiag to, pom kev huv, thiab qhov chaw tsis muaj lwm tus cuam tshuam. Tus neeg mob yuav tsum nyob rau hauv Minnesota rau thaum lub sij thawm tham pom duab hauv this vis. Yog thaum koj tawm mus sab nrauv ntawm xeev Minnesota, koj yuav tsum qhia rau lub chaw kuaj mob ua ntej.
Mus nsib-hauv oos lais
Leej twg siv tau qhov mus ntsib hauv oos lais
Tam sim no yog neeg mob nyob hauv Children’s Minnesota thiab Cov Khub Koom Tes cov chaw saib xyuas neeg mob Me Nyuam Yaus (hnub nyoog 18 xyoo rov hauv). Kom mus ntsib tau hauv oos lais, tus niam txiv/tus saib xyuas me nyuam (tau txais kev pom zoo rau qhov mus siv tau) los sis tus neeg mob (hnub nyoog 12-18 xyoo) yuav tsum muaj tus askhauj tseem siv tau hauv Children’s Minnesota MyChart. Puas yuav tau tsim ib tus askhauj Children’s Minnesota MyChart? Tso npe ntawm nov.
Nws siv li cas
Yam peb kho
Tam sim no, peb li kev mus ntsib hauv oos lais yuav kho tau
tsam plam, mob qhov muag liab, pob khaus, mob qa thiab ntuav.
Tus nqi
Feem ntau lawm kev mus ntsib hauv oos lais yuav pab them los
ntawm cov phiaj xwm tuav pov hwm. Yog peb kho tsis tau koj tus me nyuam
yam nyab xeeb hauv oos lais, koj yuav tsis raug sau nqi rau qhov mus ntsib
hauv oos lais. Tej nqi sib koom them los sis tej nqi uas tsis pab them ces
yuav tau sau ntawm koj.
Cov lus nquag nug
Kuv yuav koom kuv tus me nyuam qhov sib ntsib tham pom ntsej muag li cas?
Yog koj muaj koj tus me nyuam tus askhauj Children’s Minnesota MyChart:
- Ua kom tiav eCheck-in (Daim Npe Txheeb Xyuas Hauv Oos Lais) siv txoj kab txuas nrog uas xa los ntawm ntawv xa xov los sis email 7 hnub ntej txog koj lub sij hawm teem caij. (Cim tseg: Koj yuav tsum siv qhov xaiv los txais cov ntawv xa xov los ntawm Children’s Minnesota).
- Ib teev ua ntej txog koj lub sij hawm teem caij, koj yuav tau txais ib txoj kab txuas mus rau qhov sib ntsib tham pom ntsej muag. Siv txoj kab txuas rau no los qhib kev sib ntsib tham pom ntsej muag thaum sij hawm txog koj qhov teem caij sib ntsib.
- Yog koj twb ua tiav Daim Npe Txheeb Xyuas Hauv Oos Lais (eCheck-in) lawm, koj koom tau qhov sib ntsib los ntawm kem MyChart “Visits (Cov Kev Sib Ntsib)” lub pob nias los sis qhov “Join visit (Koom qhov sib ntsib)” lub pob nias los ntawm koj cov ua kom ras txog.
- Nyob tos ntawm lub xov tooj los sis khoos pis tawj kom txog thaum tus kws pab kho mob los koom nrog.
- Kev ntxiv ib tus qhua rau, xws li tus koom ua niam txiv los sis tus saib xyuas raws cai, yuav pab tau ua kom ntseeg tias txhua leej koom nrog koj tus me nyuam li kev saib xyuas paub txog. Tom qab muab nws tham qhia koj tus me nyuam tus kws pab kho mob, koj tuaj yeem ntxiv tau tus yuav koom nrog qhov sib ntsib tham pom ntsej muag hauv MyChart:
- Ntawm MyChart nplooj xub thawj, xaiv qhov Visits (Sib ntsib).
- Xaiv Details (Lus qhia meej) rau koj qhov yuav sib ntsib tom ntej no.
- Xaiv View and Invite Participants (Saib thiab Chaw Cov Mus Koom Nrog).
- Koj yuav pom qhov tias kom ntaus tus email rau tus qhua.
- Koj hais tau kom koj tus kws pab kho mob xa txoj kab txuas mus rau qhov sib ntsib tham pom ntsej muag mus rau tus qhua.
Yog koj tsis muaj koj tus me nyuam tus askhauj Children’s Minnesota MyChart:
- Yog koj tau txais txoj kab Txheeb Npe Nkag hauv oos lais (eCheck-in) xa raws xa ntawv hauv xov tooj tuaj los sis email, thov txheeb npe nkag thiab ua kom tiav cov ntawv kom ua thiab teb cov lus nug ua ntej koj mus ntsib.
- Ib teev ua ntej txog koj lub sij hawm teem caij, koj yuav tau txais ib txoj kab txuas mus rau qhov sib ntsib tham pom ntsej muag. Nyem rau txoj kab los qhib qhov sib ntsib tham pom ntsej muag ntawm koj li kev teem caij.
- Nyob tos ntawm lub xov tooj los sis khoos pis tawj kom txog thaum tus kws pab kho mob los koom nrog.
- Kev ntxiv ib tus qhua rau, xws li tus koom ua niam txiv los sis tus saib xyuas raws cai, yuav pab tau ua kom ntseeg tias txhua leej koom nrog koj tus me nyuam li kev saib xyuas paub txog. Tom qab muab nws sib tham nrog koj tus me nyuam tus kws pab kho mob, koj ntxiv tau cov koom nrog mus rau koj qhov sib ntsib tham pom ntsej muag los ntawm xa txoj kab txuas rau qhov sib ntsib tham pom ntsej muag ncaj nraim mus rau koj tus qhua. Los sis, koj hais kom tus kws pab kho mob xa txoj kab txuas nrog ncaj nraim mus rau koj tus qhua.
Puas xav tau kev pab txuas mus rau koj qhov sib ntsib tham pom ntsej muag? Thov hu ncaj nraim rau lub chaw kuaj mob.
Yuav ua li cas yog tias kuv tus me nyuam yuav tau siv ib daim ntawv sau yuav tshuaj?
Koj tus me nyuam tus kws pab kho mob yuav txiav txim seb nws puas yuav siv tshuaj thaum sib ntsib tham pom ntsej muag, lawv yuav xa ib daim ntawv sau yuav tshuaj mus rau koj lub khw muag tshuaj uas nyiam siv.
Lub chaw tuav pov hwm puas them rau kev mus saib mob hauv oos lais?
Yog, feem ntau lawm cov phiaj xwm tuav pov hwm yuav them rau kev mus saib mob hauv oos lais, suav nrog rau cov kev sib ntsib tham pom ntsej muag thiab sib ntsib tham hauv oos lais. Peb xav kom koj txuas lus nrog koj lub chaw tuav pov hwm los nug txog tej kev pab them rau.
Qhov sib ntsib tham pom ntsej muag puas muaj ua lwm yam lus?
Yog. Muaj cov kev pab cuam txhais lus tsis sau nqi. Thov qhia rau lub chaw kuaj mob paub yog koj xav tau ib tus kws txhais lus ua ntej txog koj lub sij hawm teem caij. Koj tus kws pab kho mob yuav caw ib tus kws txhais lus mus rau qhov kev sib ntsib tham pom ntsej muag.
Peb puas yuav ua qhov kev sib ntsib tham pom ntsej muag yog tias peb tsis nyob hauv Minnesota?
Feem ntau lawm, tsis tau. Vim tias cov ntawv tso cai fab cai lij choj kev kho mob, koj thiab koj tus me nyuam yuav tsum nyob hauv Minnesota thaum lub sij hawm koj qhov sib ntsib tham pom ntsej muag. Yog thaum koj tawm mus sab nrauv ntawm xeev Minnesota, koj yuav tsum qhia rau lub chaw kuaj mob ua ntej los tham txog cov hauv kev siv tau. Qee cov kws pab kho mob los yeej muaj ntawv tso cai nyob hauv Wisconsin, tab sis koj yuav tsum hu qhia lub chaw kuaj mob ua ntej tso kom paub tseeb tias nws ua tau.
Kuv tus hluas puas tham tau nrog tus kws pab kho mob yam tsis pub lwm tus hnov ncua sij hawm sib ntsib tham pom ntsej muag?
Yog. Yog tias koj tus hluas xav tham nrog lawv tus kws pab kho mob tham nkaus xwb, ces nug tau! Tus kws pab kho mob yuav qhia rau koj paub yog tias qhov tham tsis pub lwm tus hnov ntawd puas haum rau qhov sib ntsib sib tham ntawd.
Cov kev sib ntsib tham pom ntsej muag puas yog ntiag tug thiab muaj kev ruaj ntseg?
Yog. Peb li kev sib ntsib tham pom ntsej muag yeej muaj kev ruaj ntseg thiab ua raws nraim li Tsab Cai Kev Tuav Pov Hwm Kev Noj Qab Haus Huv Tus Nqi Them Taus thiab Lub Luag Hauj Lwm (HIPAA).
Children’s Minnesota tus neeg ua hauj lwm yuav siv qhov chaw tsis muaj lwm tus hnov xws li lub chav kuaj mob los sis chav ua hauj lwm ncua sij hawm sib ntsib tham pom ntsej muag. Yog tias tus neeg ua hauj lwm nyob hauv qhov chaw uas lub chaw kuaj mob npaj tseg tej zaum kuj yuav pom lwm tus neeg ua hauj lwm nyob sab tom nraub qaum, li ib txwm lawm lawv yuav siv lub mloog pob ntseg uas lwm tus yeej tsis hnov cov lus koj tham.
Kev sib ntsib tham pom ntsej muag yuav tsis raug kaw cia los ntawm Children’s Minnesota. Yuav tsis pub kaw lus cia yam tsis tau lus tso cai. Yog tias kev sib ntsib ntawd siv xov tooj, koj li kev sib tham zaum ntawd yeej muaj kev ruaj ntseg ib yam li tham xov tooj.
Yuav muaj dab tsi tshwm sim yog tias is taws nem tu ncua sij hawm sib ntsib tham pom ntsej muag?
Yog tias kev sib ntsib tham pom ntsej muag ho tu lawm, rov sim txuas mus koom dua uas siv koj txoj kab txuas nrog. Yog koj rov txuas tsis tau lawm, koj tus kws pab kho mob yuav hu rau tus xov tooj muaj nyob hauv koj tus askhauj MyChart los ua kom tiav qhov kev sib ntsib hauv xov tooj.
Lwm cov hauv kev txais kev saib xyuas
Lub tshuab ntsuas cov tso mob
Koj tus me nyuam puas xav tau kev teem caij los sis lawv cov tsos mob no puas tuaj yeem coj mus kho tau nyob rau tom tsev? Tshawb nrhiav tam sim no nrog Lub Tshuab Ntsuas Cov Tso Mob, muaj rau siv 24/7.
Cia li mus xyuas qhov mob kiag
Puas nyiam tus kheej mus ntsib kiag saib xyuas tej mob me thiab raug mob me? Peb cov chaw kuaj mob saib xyuas xub thawj feem ntau yeej muaj qhov cia mus ntsib kiag rau saib tej yam mob me xws li hnoos, ua npaws, ntuav, raws plab, khaus ib ce, raug mob me thiab ntau yam ntxiv. Qhia rau peb paub thaum koj tab tom mus los faj seeb rau koj tus me nyuam qhov mob ua ntej tuaj txog.
